الاقتصاد

الحمد الله يا جماعه انا عديت فى اول 3 مواد اللى انا دخلتهم الحمد الله وعقبال بقيت ال 14 ماده يا رب

kazem

السلام عليكم
الف الف الف مبروك يامعلم وعقبال المواد الجاية
و ماتنساش هنمتحن سوا فى شهر 6 ان شاء الله
بس هى النتيجة عرفتها من my acca ولا عن طريق البريد اصل دلوقتى عايز احجزالمواد اللى همتحنها فياريت تقولى عملت ايه بالضبط وازاى وصلك رقم الجلوس بتاعك
ومرة تانية الف مبروك
شكرا

ahmedhegy

الف مبروك و عقبال الباقي
كنت بتذاكر لوحدك و عملت اه
و خدوا منك وقت اد ايه

الاقتصاد

انا كنت بذاكر لوحدى الموضوع فى اوله مش سهل بس بعد متاخد على النظام بتاع المذاكره بيبقى شغال ولازم تتابع فيديوهات شرح لانك فى حاجات لازم حد يشرحهالك وبالنسبه للوقت هما كل ماده خدت شهر وقعدت شهر اراجع بس انا كنت بادا مذاكره متاخر بس الحمد الله ربنا وفقنى وعقبال المواد الجايه بقى

الاقتصاد

الله يبارك فيك
وان شاء الله هنمتحن مع بع شهر 6
النتيجه طلعت عينى على معرفت اجبها اصل الايميل بتاعى ياهو وهما اما بيبعتوا بيبعتوا حسب السيرفرات اللى بتبقى مش مشغوله اوى فعلى مجتلى النتيجه جت بعد مطلعت بحوالى 12 ساعه بس انا كنت جبتها قبل كده من على الاكونت بتاعى بس على ما حمل خد وقت وطلع عينى
بالنسبه لرقم الجلوس انت اول مهتسجل المواد اللى هتخش فيها هيتبعتلك جواب منهم ورقه فيها مكان الامتحان بتاعك والمواد اللى انت دخلها ورقم جلوسك فى كل لجنه وكمان بتبقى موجوده على الاوكنت بتاعك ممكن تعملها داون لود
وابقى قولى بقى انت داخل فى انى مواد بالظبط
انا داخل فى مواد f4.7 لان دول انسب حاجه ليا علشان مواعيد امتحانات الجامعه

الاقتصاد

كاظم انا نسيت اقولك انا جبتلك حاجه هتعجبك اوى سيرفر bpp f5 2011 علشان تذاكر من الجديد وربنا معاك
http://www.mediafire.com/?cwxtcfsd6vi7nzu

kazem

السلام عليكم
شكرا يا باشا على الكتاب وقارنته لقيت فيه اختلافات بسيطة الحمد لله
انا ان شاء الله هحجز f 5 , f6
كنت عايز اسئلك هو نظام الاسئلة كان بالقلم والورقة ولا ايه وهل الاسئلة واضحة ومباشرة ولا فيها غموض وصعبة
هل ممكن احجز المواد مش بالترتيب ولا لازم الترتيب
وانت بتذاكر استعنت stydy text ولا شرح video ولا course note يعنى بدات تذاكر من الملخص ولا الكتاب وده اهم سؤال
شكرا والف مبروك تانى مرة

الاقتصاد

نظام الاسئله فى اول 3 مواد اختيارى بس فيه ورقه وقلم زى ورقه الاجابه بتاعت الثانويه العامه بس معقده شويه فى بيانتها
طبعا ممكن تحجز المواد مش بالترتيب بس لحد f9 بس يعنى علشان تخش على p لازم تكون خلصت مواد f كلها انا عن نفسى داخل f4.7 لان دول انسب مادتين لمواعيد امتحانات الترم الجاى
المذاكره اهم حاجه من study text بتذاكر مثلا الشبتر وبعدين تسمع video بتاعه وتقوم حالل ال revision kit عليه ده النظام course note دى ممكن تذاكرها بس للمراجعه على النقاط المهمه فى الشبتر مش اكتر يعنى متعتمدش عليها فى المذاكره الاساسيه

شاهر عبده دانيال

مبروك وربنا يسهلك على الباقى 000 يريت ترفع ملف عن الموضوع من بدايته كفكره حتى النجاح كلما امكن التفصيل

kazem

السلام عليكم
انت بتجيب الفيديو منين وايه المواقع اللى بتتعامل معاها علشان تسهلك المذاكرة وكتب 2011 اجيبها منين خصوصا ان كتاب f6 لازم يكون حديث
(شكرا جدا على كل المعلومات اللى بتساعدنى بيها انا بجد اول مافكرت فى الشهادة مكنتش لاقى حد يساعدنى وكنت هصرف نظر عنها بس انت بعد ربنا سبحانه و تعالى من الاسباب اللى شجعنى انى اقدم فيها)
شكرا