![افتراضي](images/icons/icon1.gif)
مشاركة: تايه و عايز حد يساعدني ( ما تستغربوش انا باكلم عن نفسي )
و عليكم السلام و رحمة الله و بركاته
على فكرة يا استاذ محمد انا لما اتخرجت واجهتنى نفس المشكلة انا مش هقولك خد كورس فلان ولا دورة علان ان هقولك تجربتى و حضرتك تشوف
كنت فاكر ان انى هكون خارج من الكلية فاهم محاسبة كويس بس للاسف ليقت انى دخلت الكلية زى ما خرجت بس بردة اكيد استفد شوية وان المحاسب لازم يكون معاه دورات و كورسات علشان يبقى فاهم فبدات اقرا فى المنتدى و مواقع تانية ان فى حاجة اسمها شهادات مهنية زى cma cpa acca و بعد سؤال ناس كتير ان ده هو سلاح المحاسب شهادة مهنية تكون معاه مش للشغل بس لكن ليه كمان انه يكون بيحب المجال دة وعجبنى حضرتك لما قولت انك تكون محاسب كويس و بتحب العلم ده
المهم بدات المشوار واحدة واحدة قلت هاخد كورسات وبتاع لقيت انى هضيع وقت و فلوس و برده مش هستفيد حاجة و لقيت علشان اخد شهادة من دول فى قدامى مشاكل زى انا مش فاهم محاسبة كويس و اللغة بغض النظر عن التكلفة وانا كنت لسه مااشتغلتش فمعنديش خبرة عن المحاسبة خالص لقيت ان لازم اكون فاهم على الاقل الاساسيات زى الاصول و الخصوم ازاى بعمل قيود ايه هى مبادىء المحاسبة ازاى اقيس الاهلاك و المخزون شكل القوايم ازاى كدة
جبت كتب الكلية اللى مكنتش بفتحها خالص و قريت و بدات افهم شويه يعنى خدت خلفية عن ايه محاسبة تمام
بعدين جت مشكلة اللغة كنت محتار اخد كورس انجلزى الاول و بعدين ابدا فى اى شهادة قيت ان الكورس مش هياهلنى لاى شهادة مجرد كلمات و جرامر عادية وخلاص انا كان المهم عندى اعرف المصطلحات المحاسبة بلانجليزى علشان اعرف اقرا كتب الشهادة فاخد كورس فى مركز من المراكز بيدى محاسبة بالانجليزى كان الهدف اعرف المصطلحات و برده واحد يفهمنى شويه الحمد لله خلصت الكورس دة
على طول بدات واحده من الشهادات المهنية دى acca عجبتنى الشهادة واتضح ان الشهادات دى بتقويك فى الانجليزى غصب عنك هى بتبقى صعبة فى الول بس المصطلحات بتتكرر فبتبقى سهلة بعد كده بس و الحمد لله امتحنت امبارح فى 3 مواد و ربنا يسهل
معلش طولت عليك عارف انك زهئت بس انا كنت عايز حقيقى اقولك عملت ايه لانى حصلى اللى انت فيه دلوقتى ماشى واى حاجة ابعتلى
شكرا