استفسارات عن دبلومة الدراسات العليا

[gemyxdream]

بسم الله الرحمن الرحيم

ممكن حد يجاوبنى على الاسئله دى بالتفصيل دبلومه الدراسات العليا

1- ماهى مواعيد التقديم للدبلومه سنه 2010 ومتى ينتهى
2- ايه الورق المطلوب ليها بالظبط والتقدير
3- المصاريف للمصريين ومده الدراسه والمقررات الدراسيه
4- هل الحضور شرط الزامى للحصول على الدرجات كامله فى المواد ام شىء مكمل للفهم والمذاكره من الكتب ام المذكرات
5- هل جامعه القاهره افضل ام جامعه عين شمس فى الدبلومه
6- جامعه القاهره بتطلب سنه خبره هل الكلام ده صحيح ولا لا
7- الدبلومه تعتبر تحسين للتقدير ام لا
8- فى حاله الرسوب ماذا يحدث؟

[gemyxdream]

محدش ليه علاقه بالموضوع ده خالص ولا يعرف عنه اى حاجة

[M_h77]

يا ريت حد يكون عندة جواب

[gemyxdream]

يجماعه ارجو الرد ضرورى

[kingman101]

1-1/8/2010
2-اصل شهادة البكالريوس
اصل شهادة ميلاد
صوره موقف تجنيد واطلاع على الاصل
شهادة خبر عام لجامعه القاهرة
صور شخصيه
لايشترط تقدير لدخول دبلومه
3-1200ج لجامعه عين شمس
700ج جامعه القاهرة

بالنسبه القررات عشر مواد فى عام دراسى
4-حضور مكمل مفيش غياب و حضور
5- من حيث الافضل مش هقدر احدد بالظبط بس عين شمس تخصص من اولى وتعتبر اصعب
والقاهرة تخصص من تانيه
6- لازم شهادة خبر عام محاسب من اى مكان
7- دبلومه فيها استفادة و ودراسه بتوسع واستفادة
8- الرسوب الاعادة على المواد التى تم رسوب فيها ودفع رسوم 200ج

ملحوظه
جامعه حلوان دبلومه سنه واحده ترمين

[gemyxdream]

انت كنت فين من زمان الف شكر على ردك واهتمامك وبصراحه رد مفيد والف شكر مره تانيه على مرورك الكريم

[kingman101]

انت كنت فين من زمان الف شكر على ردك واهتمامك وبصراحه رد مفيد والف شكر مره تانيه على مرورك الكريم


كل سنه وانت طيب
ميعاد تقديم فى دبلومه فى عين شمس من 21/8/2010 الى 21/9/2010
اى استفسار انا موجود

[gemyxdream]

مشكوووووور والله يعطيك الف عافيه

[عمرو ر رفاعى]

ممكن أعرف ميعاد بدأ التقديم فى جامعة القاهرة

[mhfouzm]

اخي الكريم

يبدء التقديم ببدايه شهر اغسطس من كل عام وينتهي بانتهاء الشهر .

اجراءات الالتحاق بالدراسات العليا
المستندات المطلوبة للطلاب المصريين:-
شهادة البكالوريوس المؤقته بالتقدير المطلوب للمتقدمين للقيد بالدبلوم أو الماجستير .
شهادة الماجستير المؤقته بالتقدير المطلوب (للمتقدمين للدكتوراه) .
بيان بدرجات الطالب خلال سنوات الدراسة .
شهادة الميلاد أو المستخرج رسمى منها .
صورة بطاقة تحقيق الشخصية "الرقم القومى" .
عدد 6 صور شخصية مقاس 4x6 سم .
موافقة جهة العمل على القيد و الدراسة .
موافقة جهة العمل على التفرغ للدراسة للعاملين بالحكومة أو قطاع الأعمال إذا كانت الدراسة تحتاج للتفرغ (أوحسب نص اللائحه الداخلية للكلية) .
شهادة الموقف من التجنيد (مؤجل / معافى مؤقت/ معفى نهائياً) .

وانصحك بزياره موقع الجامعه للدراسات العليا
http://www.cu.edu.eg/PostGraduates/Departments.aspx

[menem_2008]

1-1/8/2010
2-اصل شهادة البكالريوس
اصل شهادة ميلاد
صوره موقف تجنيد واطلاع على الاصل
شهادة خبر عام لجامعه القاهرة
صور شخصيه
لايشترط تقدير لدخول دبلومه
3-1200ج لجامعه عين شمس
700ج جامعه القاهرة

بالنسبه القررات عشر مواد فى عام دراسى
4-حضور مكمل مفيش غياب و حضور
5- من حيث الافضل مش هقدر احدد بالظبط بس عين شمس تخصص من اولى وتعتبر اصعب
والقاهرة تخصص من تانيه
6- لازم شهادة خبر عام محاسب من اى مكان
7- دبلومه فيها استفادة و ودراسه بتوسع واستفادة
8- الرسوب الاعادة على المواد التى تم رسوب فيها ودفع رسوم 200ج

ملحوظه
جامعه حلوان دبلومه سنه واحده ترمين
السلام عليكم ورحمة الله وبركاتة
بصراحة معلومات حضرتك مفيدة جدا وجزاك الله خيرا
وياريت يا فندم
لو تقدر تساعدنى فى ترشيح جامعة ادرس فيها دراسات عليا ؟
حيث انى خريج 2004 جامعة القاهرة شعبة محاسبة وعايز جامعة تكون بسيطة وسهل انى اجيب تقدير بها حيث انى بعيد عن الدراسة منذ فترة
وبخصوص جامعة حلوان هى قريبة من سكنى بس مش عارف سهلة ولا صعبة
وكنت مرشح جامعة بنها فياريت لو حضرتك تقدر تفيدنى
وجزاك الله خيرا
اخوك محمود

[kingman101]

ميعاد فى جامعه القاهرة بدا بالفعل التقديممن اول شهر

[kingman101]

بسم الله
بالنسبه لحضرتك
هو الموضوع محتاج تعب شويه ومذاكرة منك و تبذل مجهود اذا كنت تريد دراسه بسيطه الى حد ما ف انصحك ابتعد عن جامعه عين شمس
بالنسبه لحلون دراسه لمده سنه واحدة نظام ترمين زى دراسه العاديه ودراسه فيها منظمه بس محتاجه مجهود عشان ترم ودى تبقى كويسه لو انت محتاج دبلومه بسرعه وقريبه منك ونسبه نجاح عاليه على عكس عين شمس
بالنسبه للقاهرة هى نظام سنتين كل سنه اولى عام وسنه تانيه تخصص بس انت خريج قاهرة اعمل دبلومه ف جامعه تانيه عشان تنويع
لكنى لا انصحك ببنها حيث هى لاتعد من جامعات ذات سمعه و انت خريج قاهرة تعمل دبلومه فى بنها مظنش هتبقى مفيده

يبقى خيره فيما اختاره الله اخ محمود واختار حلوان وتوكل على الله ولكن لاتنسى كل شئ محتاج تعب عشان تقدر تتحققه
وبترجع لظروف عملك ممكن حلوان تبقى مش ملائمه ليك بسبب ظروف العمل حيث انها ترمين انت محتاج اجازة امتحانات فى شهر يناير ومايو ولو مش هتاثر على العمل يبقى تمام حلوان وتوكل على الله
واى استفسار انا تحت امرك اخ محود
نسألكم خالص الدعاء

[kingman101]

ميعاد تقديم فى القاهرة بدا فى 1/8/2010
ميعاد عين شمس من 21/8 الى 21/9/2010

[mero]

السلام عليكم ورحمة الله وبركاته
بالسنةللدراسةفي جامعة حلوان هل معترف بها محليا وعالميا ؟
من فضلكم اريد ان استفسر عن الدراسة في الدبلومه في حلوان او عين شمس . لاني لا اعلم ماهو المكان الافضل بالنسبة لي . حيث انا خريجة تجارة عين شمس 2008 (محاسبة-جيد) واجد اراء تؤيد بشده استكمال الدراسات العليا في حلوان واراء اخرى تؤيد بشده جامعة عين شمس نظرا لان الدراسة بها اقوى و............
وبالنسبة لي عين شمس اقرب بالسبة لسكني من حلوان واريد دراسة سهلة واستطيع ان احصل على تقدير (جيد جدا ) لانه مطلوب في جامعة حلوان كشرط لاستكمال الماجستير هناك. فايهما الافضل لي ولكم جزيل الشكر
واستفسار بسيط اخر :اي المجالات افضل بالسبة للدراسة (محاسبة او اقتصاد) المطلوبه للعمل الان.وشكرا.

[SAEEDDELMASRY]

السلام عليكم ورحمة الله وبركاته
كل عام وانتم بخير بمناسبة شهر رمضان المبارك ، أعاده الله علينا وعلي الأمة الإسلامية بالخير واليمن والبركات
أستأذن الأخ kingman101 في توفير وعرض المعلومات الآتية : -
وذلك عن دبلوم محاسبة مالية جامعة عين شمس
أولاً : الأوراق المطلوبة للتقديم لدبلوم محاسبة مالية جامعة عين شمس
* أصل شهادة البكالوريوس
* أصل شهادة الميلاد أول مستخرج رسمي منها " كمبيوتر "
* صورة موقف التجنيد والأصل للإطلاع " ذكور "
* صورة البطاقة
* عدد 4 صور شخصية
* موافقة جهة العمل إذا كان الطالب يعمل
* طلب الإلتحاق " من الكلية "
* فايل بلاستيك
* رسوم السنة الأولى 851 جنيهاً مصريا
ثانيا : الأشياء غير المطلوبة
* شهادة خبرة إلا في دبلوم حاسب آلي
* التقدير في مرحلة البكالوريوس
* موافقة جهة العمل لغير العاملين
ثالثاً : بعض المعلومات عن الدراسة ف عين شمس
تبدأ الدراسة بعد العام الدراسي بأسبوعين
الدراسة سنتان ، إمتحان واحد لكل سنة في شهر مايو
تقدير الدبلومة في السنة الثانية
المواد 6 مواد ف السنة الأولى ، و 4 مواد ف السنة الثانية + مادة البحث
المحاضرات 6 محاضرات ف الأسبوع مقسمة على يومين أو ثلاثة " بالنسبة للسنة الأولى "
القيمة المادية لكتب المادة الدراسة 70 جنيهاً مصريا ً
يعطي المادة 2 دكاترة
هناك أعمال سنة 25 % من الدرجة
ليس هناك نسبة غياب شرط لدخول الإمتحان ولكن يتم أخذ الغياب والحضور بشكل عشوائي على مدار العام الدراسي ، كأن يقوم الدكتور بعمل امتحان بشكل فجائي ليس الهدف منه المادة العلمية ولكن الهدف منه معرفة الحضور ، أيضاً ممكن يأخذ الغياب في حالة ملاحظته قلة الحضور ، يعني لو انت حظك حلو ممكن تكون المحاضرة الوحيدة اللى انت هتحضرها هيا اللى هياخذ فيها الغياب ، وعلى العكس ممكن يكون فيه واحد يحضر بشكل مستمر والمحاضرة الوحيدة اللى أخذ فيها الغياب كان غائب ، ولكن هناك بحث يطلبه منك الدكتور وهو ده اللى بيبقى عليها أعمال السنة الحقيقية .
بالنسبة للرسوب يعيد الطالب ف المواد التي رسب فيها فقط ويدفع رسوم السنة 200 جنيهاً مصرياَ
رسوم السنة الأولي 851 جنيه
رسوم السنة الثانية 200 جنيه
رسوم السنة الثانية إعادة 200 جنيه
رابعا ً : فائدة أو الهدف من الدبلومة
أنصح زملائي وزميلاتي أن يحددوا الهدف من الدبلومة قبل الخوض فيها ، فبعض الناس يتقدموا لدراسة الدبلومة لكي ينالوا مكانة أعلى في العمل الحكومي ، والبعض لكي يزداد علماَ ، والبعض لإستكمال الرحلة نحو الدراسات العليا والرسائل الجامعية ، والبعض الآخر لإضافتها في السي في ، فتحديد الهدف يساعدك في اختيار الجامعة التي سوف تتقدم إليها لدراسة الدبلومة فيها ، فالذين يشغلون عملاً حكومياً لا يعنيهم المادة العلمية ومدى الإستفادة وما يعنيهم هو الشهادة فقط فيختاروا أي جامعة فيها الدراسة سهلة وأما الذين يبحثون عن العلم والعمل به لا يكفيهم أي جامعة بل الجامعة التي من شأنها بناء دارس وباحث جيد وليس تحصيل رسوم وإعطاء شهادة فقط
خامساً : الماجيستير
يتقدم الطالب لتمهيدي ماجيستير في الجامعة التي تخرج منها إذا كان تقدير البكالوريوس جيد ، أما إذا تقدم للتمهيدي في جامعة أخرى يشترط جيد جداً ف البكالوريوس أول عمل دبلومة والنجاح فيها بتقدير جيد جداً .
--------------
وبالتوفيق للجميع
أي استفسار أنا موجود على طول انشاء الله
أنا " saeedelmasry2002 " ع الياهووووووووووووووووووووو

[kingman101]

جزالك الله خيرا على كم الهائل من المعلومات الوفيرة
لكن يظهر انت مش متابع التطورات فى عين شمس المصاريف هذا العام فى عين شمس
لسنه اولى 1071جنيه
لسنه تانيه 340 جنيه

[kingman101]

السلام عليكم ورحمة الله وبركاته
بالسنةللدراسةفي جامعة حلوان هل معترف بها محليا وعالميا ؟
من فضلكم اريد ان استفسر عن الدراسة في الدبلومه في حلوان او عين شمس . لاني لا اعلم ماهو المكان الافضل بالنسبة لي . حيث انا خريجة تجارة عين شمس 2008 (محاسبة-جيد) واجد اراء تؤيد بشده استكمال الدراسات العليا في حلوان واراء اخرى تؤيد بشده جامعة عين شمس نظرا لان الدراسة بها اقوى و............
وبالنسبة لي عين شمس اقرب بالسبة لسكني من حلوان واريد دراسة سهلة واستطيع ان احصل على تقدير (جيد جدا ) لانه مطلوب في جامعة حلوان كشرط لاستكمال الماجستير هناك. فايهما الافضل لي ولكم جزيل الشكر
واستفسار بسيط اخر :اي المجالات افضل بالسبة للدراسة (محاسبة او اقتصاد) المطلوبه للعمل الان.وشكرا.
بسم الله
جامعه عين شمس الاقوى من حيث سمعه على مستوى مصر لكنها الاصعب من حيث الدراسه والتقديرات ضعيفه جدا
جامعه حلوان مميزة ودراسه منظمه وفيها تقديرات عن عين شمس بس ممكن تبقى بعيدة عنك
انتى ممكن تحصلى على تقدير جيد جدا فى حلوان لو انتى اجتهدتى وذاكرتى
بالنسبه للمجالات الافضل المحاسبه لنه اكثر انتشارا ومفتوح عن الاقتصاد

[mero]

شكرا لمروركم الكريم والردود السريعة والمفيدة.
جزاكم الله كل الخير ونفع بكم .

[SAEEDDELMASRY]

السلام عليكم ورحمة الله وبركاته
أخي العزيز kingman101 شكراََ وجزاك الله خيراَ على زوقك
أنا الآن رايح سنة تانية دبلوم محاسبة مالية ولله الحمد والمنه نجحت في سنة أولى بالصافي
عايز أقول ان انا قدمت ف الدبلومة في العام الدراسي 2009/2010 ودفعت مصروفات 851 جنيه بالفعل فهل اتغيرت في الوقت ده ؟
وجزاكم الله خيراً

[SAEEDDELMASRY]

إلى كل من يريد اتخاذ قرار التقدم لدبلوم محاسبة مالية جامعة عين شمس
في الرابط التالي نتيجة سنة أولى محاسبة مالية كلية التجارة جامعة عين شمس 2010
وهي نتيجة مختصرة مفيهاش ولا لف ولا دوران يعني نتيجة الناس اللى نجحوا بالصافي فقط
بس لو سمحتوا ياريت كل اللى يشوف النتيجة يقول رأيه

إليكم الرابط

http://www.aliahmedali.com/forum/showthread.php?t=15846
:sm131:

[SAEEDDELMASRY]

فعلا المصاريف زادت ،بالنسبة لسنة أولى السنة الدراسية 2009/2010 كانت 851 جنيها فقط ، السنة الدراسية 2010/2011 " التقديم الحالي " أصبحت 1071.5

[zeinab_nasr]

لو سمحت بيبقى فى دبلومه مش دبلومه تمهيدى ماجستير بتبقى فى اداره الاعمال , الموارد البشريه , ..........
عاوزة اعرف التقديم فيها امتى ورسومها والتفاصيل عنها وديه مش بيبقى شرط شهاده معينه فى التخصص اللى انا عاوزها ياريت الافاده

[محمود السنبسى]

السلام عليكم ورحمة الله
ياريت لو فى حد يعرف اى معلومة عن ميعاد تقديم تمهيدى الماجستير فى المحاسبة جامعة عين شمس
وكذلك الشروط وما هو مطلوب
وجزاكم الله خيرا

[amr nagy]

السلام عليكم ورحمة الله وبركاته
اخواني انا قدمت في دبلومة الدرسات العليا (عين شمس)
انا عايز اعرف هي هتبدأ امتى
عشان على ما سمعت الحضور مهم
رجاء الافادة
وجزاكم الله خيييييييييراً

[SAEEDDELMASRY]

السلام عليكم ورحمة الله وبركاته
تحياتي لك أخي amr nagy
بالنسبة لسنة أولى
الجدول هينزل ان شاء الله يوم 13/10 /2010 ، والمحاضرات هتبدأ ان شاء الله الأسبوع بعد القادم
سنة تانية
الجدول المفروض نزل يوم 5 / 10 / 2010 غير أني لم أحصل عليه بعد ، والمحاضرات هتبدأ ان شاء الله الأسبوع القادم
بالتوفيق للجميع

[bad_boy4476]

السلام عليكم
بسم الله الرحمن الرحيم
أخوانى عندى أستفسارات بخصوص دبلومة المحاسبة:
1-أنا فى الجبيش حاليا ينفع أقدم فى الدبلومة أنا سمعت ان ممكن مع تقديم موافقه الوحدة العسكرية.
2-هل فى هذه الحالة فى نسبة حضور زى جامعه اسكندرية 75 فى الميه ولا ممكن محضرش الا فى الاجازات.
3-مواعيد تقديم الدبلومة مرة واحده فى السنه ولا فى تقديم فى التيرم التانى عشان سمعت فى تقديم شهر فبراير.
يا ريت تجاوبونى ,وجزاكم الله كل خير

[الحارس العربي]

خريج 2009 جامعة اسيوط شعبة محاسبة وعايز جامعة تكون بسيطة وسهل انى اجيب تقدير بها