شهادة acca طلب بخصوصها
 

السلام عليكم

اخوكم محاسب و يعتبر خريج جديد

ارجو الافاد من اي شخص اخذ الشهادة او مسجل بها من قبل

يفدني او يبلغنا عن اي معلومات عنها حيث اني مهتم و اريد ان اسجل بها

ولكن اريد تجميع معلومات واجراءات عنها

وشكرا لكم

مشاركة: شهادة acca طلب بخصوصها
 

وأنا كمان خريج تجارة محاسبة من اسكندرية وعايز آخدها بس مش عارف مين بيديها عندنا


http://www.aliahmedali.com/forum/showthread.php?t=8454

مشاركة: شهادة acca طلب بخصوصها
 

http://infotechaccountants.com/forum...عتمد-(بريطانيا)

http://dvd4arab.maktoob.com/showthre...post1052252167

مشاركة: شهادة acca طلب بخصوصها
 

وانا كمان خريج جديد وعاوز اخدها...هل يقدر الخريج الجديد استيعابها والنجاح بها...ولا محتاجه خبره جامده...؟؟
ارجو الافاااااااده بليز
http://www.accaglobal.com/join/

مشاركة: شهادة acca طلب بخصوصها
 

السلام عليكم اولا انا طالب فى كليه التجاره الفرقه التانيه وانا باخد الشهاده دى و مسجل فيها وداخل امتحانتها شهر 12 الجاى ان شاء الله اولا هيه محتاجه مذاكره جامده شويه والمهم انك تكون قوى جدا فى الانجليزى وده كمان مش هيغنى عن انك هتستخدم قاموس محاسبى كويس علشان تقدر تذاكر و تفهم انا بذاكر اول 3 مواد اللى همتحنهم باذن الله وبحاول اخلصهم انتوا بقى مش هتخدوهم لانكم خريجين وعندكم اعفاء منهم
وعايزين اى استفسار انا فى الخدمه

مشاركة: شهادة acca طلب بخصوصها
 

:sm19: شكرا على المجهود الرائع وربنا يوفقك خصوصا وانك لسه طالب علشان ماتضيعش وقت بعد التخرج وتقدر تاخد حاجة تانية بس كان عندى طلب كنت عايز اعرف انت جبت الكتب دى منين وياريت عنوان المكتبة كامل اصلى عايز اقدم فيها بس كنت مستنى لما احل مشكلة الكتب و رفع الكتب صعب بالنسبة لى , ياريت تقولى حبت الكتب ازاى ارجو الرد شــكــــرا...........

مشاركة: شهادة acca طلب بخصوصها
 

يا ريت لو تقولنا ع التسجيل والاعفاءات
thanks in advance

مشاركة: شهادة acca طلب بخصوصها
 

مشاركة: شهادة acca طلب بخصوصها
 

where are you <>>>>>>>>>>>>>>>>>?

مشاركة: شهادة acca طلب بخصوصها
 

ردا على استفسارك يا استا> كاظم انا لقيت النمره الحمد الله 7626102/7626103 تمام المكتبه دى 27 شارع عدن الهندسين الجيزه هيه تقريبا اسمها زمزم

مشاركة: شهادة acca طلب بخصوصها
 

شوف يا استاذ lxcxcl بالنسبه للتسجيل فده بيتم اونلاين وبعدين بتحضر الورق اللى هتبعتهولهم هناك وايه بقى الورق ده اولا صوره من شهاده البكالريوس وصوره من الباسبور وتعمل شيك من اى بنك اسمه شيك مصرفى بتحط فيه 69 استرلينى تمام وترسل الورق والشيك على عنوانهم هناك اه نسيت اقولك ان لو شهاده البكالريوس بالعربى تروح مكتب ترجمه تترجمها علشان مفيش ورق باى لغه غير الانجليزى المفروض يتبعتلهم وبيبقى معاك رقمك التسجيلى بتتابع بيه ملفك واول متتقبل بيبعتولك ايميل يقولولك فيه على الباسورد بتاع حسابك عندهم علشان تبقى تخش منهعلى الامتحانات وبتدفع بعد كده بالكريديت
بالنسبه للاعفاءات هما حطين لسته بالجامعات والمعاهد اللى بتخش فى الاعفاءات وفى الغالب هتبقى فيهم والاعفاءات بتبقى من اول 3 مواد يعنى هتبدا من f4
ولو عايز اى حاجه تانى انت تامر

مشاركة: شهادة acca طلب بخصوصها
 

لازم بالاسترلينى يا kazem

مشاركة: شهادة acca طلب بخصوصها
 

ومعلش يا جماعه انى اتاخرت عليكوا بس بجد والله الشهاده دى عايزه م>اكره وانا مطحون فيها

مشاركة: شهادة acca طلب بخصوصها
 

استاذ اقتصاد
شكرا .........:sm14:
اناكان عندى كام سؤال
انت بتقول نرسل شهادة البكالريوس مترجمة فين اماكن الترجمة المعتمدة وايه الجهة اللى يتم فيها الاعتماد.
كمان بتقول نرسل شيك مع الورق اناعايز ادفع بالفيزا اعمل اية.
عند التسجيل اونلاين ايه المدة المسموح بيه لارسال الورق يعنى الورق ممكن يتاخر .
اسف للاطالة ومرة تانية شكرا على الردود..........

مشاركة: شهادة acca طلب بخصوصها
 

بص يا استاذ kazem انا كان معايا والله العناوين بس ضاعت فلازم تغرم مشوار للسفاره البريطانيه هتلاقى فى مكتب بره بيبقى استعلامات هتقوله انا عايز مكاتب الترجمه اللى بتتاعمل مع السفاره هيديك ورقه فيها 5 مكاتب تقريبا او 6 روح الاقرب ليك وبعد مهترجمها هيه كده معتمده خلاص لان المكاتب دى ترجمتها معتمده فى السفاره تمام بالنسبه للدفع وانت بتسجل اونلاين انت بتختار انت عايز تتدفع اونلاين ولا ترسلهم شيك ده اثناء التسجيل وبالنسبه للمده لارسال الورق فى اى وقت فى السنه بس كده مترسلش السنه دى ليه ارسل من بدايه السنه الجايه لانك مش هتلحق دخول امتحانات شهر 12 وكده كده هتدفع اشتراك تانى اول السنه الجايه لو دفعت السنه دى فخليها مره واحده وادفع من بدايه السنه الجايه علشان ميرحش عليك 69 استرلينى اونطه فهمت الحوار ولو عايز اى استفسار انا فى الخدمه

مشاركة: شهادة acca طلب بخصوصها
 

طيب انا كنت عايز اعرف بس بعد أذنكوا هيه الشهاده دى دراستها بتاخدلها اد ايه كده وقت فى الموتوسط وهل هيه مهمه اوى وفعلا اول ما اخدها ان شاء الله هتقدر تشتغل مراجع او مدير مالى فى واحد من البيج فور او الشركات الكبير ه فى الامارات مثلا ولا لازم برده انك تاخد خبره من مكتب محاسبه

مشاركة: شهادة acca طلب بخصوصها
 

مشاركة: شهادة acca طلب بخصوصها
 

استاذ kazem الباسبور فايدته انهم يتاكدوا من الاسم بالاجليزى وثانيا لان فيه صورتك وانت هتعبعت معاهم كمان صورتين مع الورق علشان الريجستراشن كارد

مشاركة: شهادة acca طلب بخصوصها
 

استاذ اقتصاد
شكرا على الرد
كنت عايز اعرف بالنسبة لشرح المواد ممكن اى دكتور او معيد فى كلية تجارة يشرح المواد ولا لازم معهد متخصص زى المعهد المصرفى :sm19:
شكرا ..................

مشاركة: شهادة acca طلب بخصوصها
 

بص يا استاذ kazem المواد دى متختلفتش عن اللى احنا بناخدها بس بالعربى طبعا مع زياده بعض المواد عن اللى احنا نعرفهم وبرده فى زياده كتير فى المعلومات يعنى مثلا لو تفتكر الاقتصاد اللى خدناه فى اول سنه فى الكليه الاقتصاد الكلى الكتاب اللى احنا درسناه ده كله فى فصلين فى f1 المهم انك تعرف بيتكلم عن ايه وبعدين تخلى دكتور او معيد يفهمهولك هيفهمهولك بالعربى انت بقى عليك انك تفهم الانجليزى المكتوب والمعلومات الزياده وخلاص كده فهمت قصدى وعلى فكره فى مواد متقدمه فى الشهاده دى بطريقه رهيبه ولازم يكون فى حد فاهم علشان يفهمك بس ده قدام لسه يعنى من اول f8 تقريبا واى استفسار تانى انا فى الخدمه

مشاركة: شهادة acca طلب بخصوصها
 

شكرا استاذ اقتصاد
كنت عايز اعرف معلومات عن البكالريوس بتاع جامعة اكسفورد يعنى ايه العلاقة مع acca و امتى احصل علية وهل مهمه ولا اية
ومرة تانية شكرا على الجهود :sm82:

مشاركة: شهادة acca طلب بخصوصها
 

السلام عليكم
استاذ اقتصاد كنت عايز اعرف منين اجيب كتب اصدار 2011 ولو ارفعها ايه هو الموقع وهل ينفع ادرس كتب اصدار قديم زى 2008 او حتى 2010 اصل انا هسجل قريب علشان ادخل امتحان شهر 6 2011 ان شاء الله
شكرا وارجو الرد.............

مشاركة: شهادة acca طلب بخصوصها
 

بص يا استاذ kazem انا دلوقتى بدرس من كتب 2008 لل 3 مواد اللى انا داخلهم بس بحل من كتب 2010 bbp اللى انا رفعها على المنتدى فبحدث يعنى اللى مش عارفه بعرفه لان اما جيت طبعت الكتب مكنش وصلى كتب 2010 اللى رفعتها بس دلوقتى كتب 2011 مش هتنزل لان هيبقى فيها تعديلات فاول مهتنزل ان شاء الله هرفعها على نفش موضوع بتاع كتب ACCA اللى عملته لان انا بجيب الكتب من موقع بكاستانى لان بتوع بكستان دول اكتر ناس بيخدوا الشهاده دى فهما عندهم الكتب دى رخيصه اوى فبيصوروها ويرفعوها على منتديات عندهم فانا بجبها وربنا يسهل وا استفسار انا موجود

مشاركة: شهادة acca طلب بخصوصها
 

السلام عليكم يا إخوانا - انا طالب فى ال acca من شهر نزفمبر 2009 ودخلت مادة ونجحت الحمد للة وهية جمعية بريطانية ومن اعرق الجمعيات المهنية فى العالم -الحاجات الإدارية عن كيفية الإشتراك وكدة من على الموقع بتاعهم بس اكتب acca على google وخش على الموقع بتاعم هاتعرف كل حاجة - لكن الحاجات اللى ممن متعرفهاش غير من حد زاكرها - انها :-
1- كلها اسئلة written يعنى مفيش إختار ودة اللى مخلى ناس كتير متعقدة منها
2-المواد قوية جداً جداً وها تفيدك جداً
3- محتاجة بس انك تبدا الأول مع حد يدرسلك اول مادة وبعدين ممكن تكمل حاجات self study
4 - الأمتحان تكلفتة 65 جنية إسترلينى
5-رسوم التسجيل تقريبأ نفس المبلغ 65 جنية إسترلينى
6-عادة الجمعية بتعفيلك 4 مواد بس بتدفع رسوم إمتحانهم 65*4 - وعلى فكرة مش لازم تدفعهم قبل ماتخش اول أمتحان ممكن بعد كدة

لو اى حد عاوز اى معلومات زيادة دة ميللى (تم حذف الإيميل لأن عرضه مخالف لشروط المنتدى) وانشاء اللة اقدر افيدة

مشاركة: شهادة acca طلب بخصوصها
 

هيه بس الفلوس اللى زادت شويه يا استاذ the edge بقت 69 جنيه استرلينى اشتراك وكل ماده وعلى العموم انا عايز اسئلك سؤال انت دخلت فى انى ماده اصل انا داخل فى اول 3 مواد شهر 12

مشاركة: شهادة acca طلب بخصوصها
 

thanks
يا ريت يا استاذ the edge تبعتلى ايميلك ع الخاص؟؟؟؟

مشاركة: شهادة acca طلب بخصوصها
 

السلام عليكم
كنت عايز اعرف بكالريوس جامعة اكسفورد ازاى بيتم الحصول عليه وهل هو مهم ولا ايه علشان التسجيل بيطلب بيانات عنه
شكرا:sm14:

مشاركة: شهادة acca طلب بخصوصها
 

هوه ممكن يكون مهم بس مش متاكد بس حاجه مهمه هوه بيبقى متاح ليك بعد متخلص f9 عايز تخده او لا دى حاجه ترجعلك

مشاركة: شهادة acca طلب بخصوصها
 

طب ياجماعة انا عندى كتاب المراجعة 2009 بتاع الشهادة دى جايبة من دبى اللى محتاجة انا عارضة للبيع لسة بالكرتونة جديد لانج حتى مافتحتوش كنت جايبة على سبيل الاطلاع يعنى بس الشهادة مش بتغرينى بصراحة شخصيا انتو عارفين بئا التعليم الانجليزى انا بفضل
american education

مشاركة: شهادة acca طلب بخصوصها
 

يا شباب للأسف الميل بيتحذف لما أكتبة بس على اى حال انا ميلى اسمة muhahela على الياهو وياريت اقدر افيدكم

مشاركة: شهادة acca طلب بخصوصها
 

السلام عليكم
كنت عايز اعرف الاحسن ابدا ب3 ,2 من المواد انا سجلت و بعت اوراقى ومستنى الرد وهل هيتاخر ولا اية
شكرا