انا مش جبان !
 

السلام عليكم ورحمة الله وبركاته

اخواني اعضاء المنتدي المميز ...

بكلم كل واحد فيكم علي اساس انه اخوي وانا واثق في ربنا سبحانه وتعالي ثم فيكم
انكم مش هتخذلوني بإذن الله

احب اعرفكم بي انا اخوكم محمد اسماعيل ... متزوج واعمل بالمملكة العربية السعودية

المهم ..

يا جماعة الموضوع باختصار اني بحاول اذاكر السي ام ايه ومش عارف
مش عشان المنهج صعب
ولا عشان الانجليزي رخم

بس انا كنت شغال ع الجزء الاول بارت وان النظام القديم واتلغي

دلوقتي حولت علي البارت 3 النظام القديم ..
مشكلتي تتلخص اني مش عارف اذاكر منين من كتر الماتريالز ... ك SELF STUDY

كانت تجربتي كالآتي :

كتاب هوك بيفهمك بس بيرغي كتير لدرجة انك ممكن تلافي نفسك بتنام من كتر ما بيعيد ويزيد والوقت المتبقي بعد الشغل يادوب لو اخدت صفحة وش وظهر يبقي فضل وعدل

جليم سريع وبيكلم واحد فاهم وبيستخدم كلمات انجليزي صعبة

كتاب الاي ام ايه مكونتش عنه انطباع اوي بس مستريحتش فيه ..

ده غير اني جربت هاند اوت لأرادو .. وسنتر اسمه cpa
ده غير الاوديو
وجربت طرق محتلفة ..بس حاسس اني مبتطورش مفيش جديد ..

مفيش طريقة ذكية للمذاكرة غير المكتوبة ع المنتديات اللي فيها قسم خاص بال cma
غير واحد الله يكرمه كاتب مشاركة والكل بياخدها كوبي وباسيت وحفظنها

... المشكلة في زي ما قولت تذاكر منين وانت مطمن

بعض الناس ممكن ترد وتقولي امال انت عاوز حاجة سهلة .. دي CMA يابني
هقوله بص يا عمي .. انا مقتنع ان مفيش حاجة اسمها كابوس مرعب CMA لكن مقروف ومش عارف اذاكر ازاي ومنين ...
فبالله عليكم ارشدوني

هل العيب في انا مش عارف افهم مثلا ؟ او كل ما امشي شوية اسيب اللي في ايدي وابدا من
مصدر تاني للمذاكرة ( يرد علي احدهم وحد مصدر مذاكرتك ..صح طيب وازاي الطريقة )

هل الجزء الثالث فعلا مقرف ؟

هل القي نظرة علي الجزء الثاني ؟ وابدا فيه ؟؟

شكلي ه حول خالص ال Career واقلب المحاسبة ..بالله عليكم انقذوني !!! لحسن زهقت وهطق من جنابي ... من ضغط + الغربة ...

مشاركة: انا مش جبان !
 

ليت اللذين يسافرون بعروض ضعيفة لمجرد السفر وهناك يذوق الامرين يا ريت يعرف خبرة السابقين له هناك

مشاركة: انا مش جبان !
 

والله اكيد عندك حق بس الواحد مش بيتعلم ببلاش
بس يا تري كلام حضرتك ده بيخليني نموذج للشباب الفاشل ؟

فين الحل حضرتك ؟ فين اجابتك علي اسألتي ؟؟

مشاركة: انا مش جبان !
 

انت نموذج للشباب الطموح المكافح
وهل من اجتهد وسافر ليحسن مستواه نموذج للشباب الفاشل!!!!
ربنا يوفقنا جميعا. ويغير من وضع بلدنا للاحسن لكي نرجع نعمل ببلدنا. خيراتنا كثيرة ولكنها منهوبة

مشاركة: انا مش جبان !
 

من راى المتواضع ان حضرتك تبدا فى الكتب الجديده افضل

بعننى تبدا صفحه جديده و ارشحلك المنهج بتاع المعهد

و اهم حاجه فى الصفحه الجديده حاول ما تذاكرش لوحدك

يعنى شوف كام واحد من اصحابك

وتعدو مع بعض مثلا كل اسبوع تشوفو ايه الصعوبات

حته معينه تشوف السؤال يجى فيها ازاى

وبكده تبقى حققت الايه وتعاونو على البر والتقوى

وهل هناك بر افضل من العلم الذى يسمو بالعقل

هذا راى المتواضع و ادعو الله انو يوفقنا جميعا

تحياتى

مشاركة: انا مش جبان !
 

اعزك الله يا اخي اسماعيل ...
وفي كل من شارك ..
واعتذر للأخ اشرف ان كان كلامي ضايقه ..
ولكن نظرا للضغط الشديد فالواحد ع اخره وعاوز اخوانه يساعدوه :sm68:

مشاركة: انا مش جبان !
 

انا راى انى انت مش تغير الكتاب انت تغير طريقة مزاكرتك ازاى
1- تقرا ال يونت قارئة سريعة ممكن تحس انى انت مفهمتش مش مهم
2- البدأ فى حل الاسئلة من جليم (هتلاقى نفسك بتغلط كتير مش مهم )
3- الرجوع الى اليونت والمذاكرة الجيدة لة
4- اعادة حل الاسئلة وهتشوف الفرق
وصدقنى دى احسن طريقة لمذاكرة السى ام اية هيا الحل الكتير

والله الموفق

مشاركة: انا مش جبان !
 

اشكر كتير اخوي
ولكن زي ما ان عارف دي اخر فرصة لي
هل بارت 2 او 3
ياريت الاجابة اسمعها من الجميع ... وبنفس الوقت تكون منطقية ...مش .بلاش دي ..ودي صعبة ودي سهلة
لا من حيث الوقت
ورايك الشخصي
ويا سلام لو في سابق تجربة

مشاركة: انا مش جبان !
 

حينما كتبت السعودية ارض العبودية ... وكل ارض الله فيها عبوديه له وحده ...

ا
كيد العبودية لله وحده يا اخونا مراقب المنتدي الكريم ..

لكن ما قصدته هو كيفية المعاملة مع الاجانب ... واساليب الاتفاق علي العمل
و كأننا رجعنا تاني لأيام سوق النخاسة والمكاتبة

جزاك الله خيرا

مشاركة: انا مش جبان !
 

بارت 3 اعتقد انو هيخلص فى وقت اقل بأذن الله