منتدى المحاسبين المصريين - سؤال بخصوص القيمة المضافة علي مشاريع المقاولات

منتدى المحاسبين المصريين (https://www.aliahmedali.com/forum/index.php)

- قسم الضريبة على القيمة المضافة والمبيعات (https://www.aliahmedali.com/forum/forumdisplay.php?f=5)

- - سؤال بخصوص القيمة المضافة علي مشاريع المقاولات (https://www.aliahmedali.com/forum/showthread.php?t=35485)

سؤال بخصوص القيمة المضافة علي مشاريع المقاولات

انا كانت عندي نسبة الضريبة علي خدمة المقاولات 2.9% من اجمالي قيمة الايرادات وماكنتش بخصم اي ضريبة من المشتريات او اي حاجة وبسلم الاقرار في حدود شهرين من تحقق الايراد , يعني انا المفروض هسلم اقرار يوليو بحلول نهاية شهر سبتمبر باذن الله.
انا دلوقتي بقي هعمل ايه ؟؟؟ انا عندي شيكات ضرائب عن النسبة 2.9% الخاصة بايرادات شهري يوليو واغسطس , هعمل اقرار مبيعات عادي زي اللي بعمله واسلمه في المصلحة ولا في حاجة تانية ؟
وبخصوص ضريبة القيمة المضافة علي المقاولات هل اتغير عن 2.9% وبقي 5% ولا ايه . يعني الشيكات بتاعت الضرائب اللي المفروض هستلمها من العملاء جديدة او حتي اللي هدفعها عن العمليات اللي بتحمل ضريبتها هتبقي بنسبة كام ؟؟ شكل الاقرار هيتغير ولا مازال زي ما هوا والارقام بس اللي هتختلف من حيث نسبة الضريبة ؟
ياريت حد يفيدني ؟؟؟ كدا المفروض اول اقرار اتعامل معاه عن القيمة المضافة هيبقي اقرار اكتوبر اللي هسلمه في فترة السماح بتاعته حتي نهاية ديسمبر ولا المواعيد هتختلف

رد: سؤال بخصوص القيمة المضافة علي مشاريع المقاولات

بالنسبة القرارات يوليو وأغسطس وفقا لقانون الضريبة على المبيعات لان قانون القيمة المُضافة يعمل به اعتبارا من 2016/9/7 وضريبة المقاولات أصبحت 5٪‏ وهناك نموذج للإقرار جديد وفقا لقانون القيمة المُضافة

رد: سؤال بخصوص القيمة المضافة علي مشاريع المقاولات

السلام عليكم ورحمة الله وبركاته
فى حالة تطبيق اى قانون ضريبه جديد لابد من وجود مده لتوفيق الأوضاع كمرحله انتقاليه نظراً لتغير فئة الضريبه فى نشاط المقاولات فأن المصلحه سوف تصدر قرار بأستمر ار العقود المبرمه قبل اصدار قانو الضريبه على القيمه المضافه والتى صدر منها مستخلصات كما هى بنفس فئات الضريبه طبقا لمنشور 5ً سنة 94 .. اما العقود الجديده فسوف تكون بالفئه الجديده .. هذا رأى الشخصى .. وننتظر مؤتمر رئيس المصلحه واللائحه التنفيذيه

رد: سؤال بخصوص القيمة المضافة علي مشاريع المقاولات

السلام عليكم ورحمة الله و بركاتة

اولا بالنسبة لسؤال الاقرارات سيتم تقديم الاقرارات لشهر يوليو و اغسطس على النموج الجديد رقم 10 ( ض . ق . م )

ثانيا بالنسبة لعقود المقاولات المبرمة قبل صدور القانون تطبيقا لنص المادة الحادية عشر من قانون الضريبة على القيمة المضافة تعدل أسعار العقود المبرمة بين مكلفين أو بين أطراف أحدها مكلف والسارية وقت فرض الضريبة وضريبة الجدول أو عند تعديل فئاتها بذات قيمة عبء الضريبة أو تعديلها وتحدد اللائحة التنفيذية قواعد تطبيق الفقرة الثانية من هذه المادة .
وسيتم تسوية ضريبة الجدول السابق سدادها بمعرفة مقاول الباطن على ان تكون لنفس العملية .

رد: سؤال بخصوص القيمة المضافة علي مشاريع المقاولات