مشاركة: الفرق بين القرض والسحب على المكشوف؟
بسم الله الرحمن الرحيم
دى اول مشاركه لى هنا فى المنتدى و اتمنى انها تنال اعجابكم و طبعا من خلال المناقشه نقدر نوصل لافكار و معلومات تفيد الكل
اولا نبدأ بالحساب الجارى المدين : هو وضع حد مدين تحت تصرف العميل و هو كل حد يجوز تدويره بالسحب و الايداع بمعنى لو عميل عامل حساب جارى مدين ب 2000ج كمثال
و جه سحب 500 مثلا يبقى فاضل له 1500 ج بس هنا فى حاجه الجزء اللى استخدمه العميل او سحبه يفرض عليه فائده دائنه انما الباقى او الجزء غير المستخدم يفرض عليه عموله ( تشبه حاله خطابات الضمان و الاعتماد المستندى المغطى بالكامل تفرض عليه عمولات باعتباره تمويل غير نقدى )
طب افرض ان العميل سدد 500 اللى كان ساحبهم يرجع الحد ثانى ب 2000 ج ( شبه الفيزا )
الحساب الجارى المدين لو كان بضمانه يطلق عليه الاعتماد العينى واللى فى الغالب مدته بتبقى سنه
حاله القرض بقى مختلفه هنا بقى السحب يبقى بالكامل يعنى عميل واخد قرض 60000 ج مثلا اول لما يتفعل القرض يصبح العميل عليه 60000 ج و طبعا مع السداد يقل المبلغ و لا يعود الحد مره اخرى