مشاركة: نصائح قبل السفر الى الخارج
السلام عليكم ورحمة الله
ازيكم يا شباب
انا كنت بعامل انترفيو مع واحد خليجى المفروض انه مهندس في شركة مقاولات
بدا الموضوع معاي سالني انت قدمت قبل كدة في سفر برة ولا لأ
فقلتله لأ فبينصحني اني مااشتغلش عن طرف حد من اصحابي او ادخل بفيزا عمرة لان الموضوع دة وحش جدا
فانا رديت عليه وقلتله كل واحد عارف بيعمل ايه وكدة
المهم هو مااتكلمش معاي في موضوع يختص بالمحاسبة في المقاولات أو اي حاجة تهتم بالمحاسبة
كل اللي قاله انه طالب ناس بكارليوس تجارة وخبرة في المحاسبة عشان يشتغلو سكرتارية
المهم انا قلتله لأ لان السكرتارية مالهاش مستقبل وثانيا انا خبرة في المحاسبة
قال لي ان السكرتارية بتبقى منظر ووظيفة محترمة غير ما هو موجود في مصر فانا قلتله اقنعني بالمرتب
فرد علي كانه بيعطف علي وبيقولي احنا مرتباتنا تنافسية ومش عارف ايه وكلام هقص كدة وفي الاخر المرتب ما يعادل 2100 جنيه مصرى وبيقولي لو اثبت كفائتك في الشغل هيوصل ما يعادل 2700 جنيه مصرى وسكنك علينا والباقي عليك
انا قلتله كلمة واحدة "أنا هنا باقبض 1200 جنيه " وبتعلم جديد
يفتح الله ورحت سايبه وماشي
يا ريت يا جماعة اللي يعرف اي حد مسافر على مرتب زي كدة يحاول يعرفه ان الحتاية مابتحدفش كتاكيت
التعديل الأخير تم بواسطة مراقب عام المنتدى ; 07-17-2010 الساعة 04:12 PM