تجربتي مع كورس sap عين شمس - منتدى المحاسبين المصريين

05-01-2012, 08:14 AM

شيخ يوسف

مشارك مبتدئ

تاريخ التسجيل: May 2012

المشاركات: 2

تجربتي مع كورس sap عين شمس

بسم الله الرحمن الرحيم
السلام عليكم اعضاء المنتدي الكرام

انا حبييت ان اشارك تجربتي في كورس sap بجامعة عين شمس معكم لافيدكم

انا خريج كلية تجارة جامعة القاهرة , وقد سمعت مرة من صديق عن كورس اسمة sap وهو عبارة عن 8 مواد محاسبة بالانجليزية وسعر المادة 500 جنية

فذهبت الي جامعة عين شمس واشتركت في محاسبة التكاليف وقد دفعت قسط اول 250

فبعد ان بدأت الكورس ويصح القول اني ( أدبست و خدعت )

اكتشفت الاتي
1- ضعف مستوي التعليم لدرجة كبيرة واجهزة واداوات بدائية للتعليم
2- عدم الالتزام بالمواعيد
3- المدة المخصصة للدورة 13 حصة بدون الحصص الملغية ولكن اذا حسبت الملغي يتعدوا 25 حصة
4- سوء المعاملة من السكرتارية و عدم الرد علي التليفونات للاجابة عن استفسارات المواعيد
5- عدم الحرص علي مواعيد الطالب سواء كان خريج و يعمل او طالب بالكلية بمعني ( اخبط دماغك بالحيط)
6- عندما تتكلم مع السكرتارية في اي شئ يضايقك في الكورس او عن استياءك من تأجيل المواعيد يقول لك ( خد فلوسك و امشي )
7- و بعد ان خلص الكورس الحمد لله ولم استفد بالشكل الذي كنت اتوقعة جاء ميعاد الامتحان
8- ذهبت الي الامتحان متأخر بفعل المواصلات و بعض المشاكل التي قابلتني و حاولت اقناعهم بالذي حدث في طريقي واطلب زيادة بالوقت ربع ساعة فقط . كان يكفيني ان يجيب بكلمة لا فقط وانا سأقدر . ولكن نظر الي نظرة سيئة جدا ولم يكلمني حتي . لماذا هذة المعاملة السيئة انا محاسب محترم في شركة سياحة و لست طفل بمدرسة
9- كنت قد استعددت جيدا للامتحان وتخيلت ان الامتحان هو الذي سيميز الطلاب عن بعضهم ولكن عندما دخلت اللجنة لم اجد مراقب ووجدت كل الطلاب يغشون ويفتحون الكتب وينقلوها بالنص . الحمد لله انا لا احب الغش ولا الغشاشين فجلست احل بمجهودي وكنت متأخر عنهم في الوقت بمراحل والحمد لله انهيت الامتحان في الوقت المحدد
10-بعدها باسبوعين ظهرت النتيجة ووجدت ان الكشف كلة امتياز . سؤالي هو هل استوي انا الذي تعبت بالمذاكرة بهؤلاء الذين نقلوا الامتحان بالنص . الحمد لله علي كل شئ
11- وقد استلمت شهادة سيئة المنظر ( ورق الجرائد انظف منها )
12- قلت مش مشكلة المهم اني سمعت ان الشهادات sap بتنفع في المقابلات للعمل وعندما ذهبت الي احدي الشركات للمقابلة واخبرتة بفخر انني معي شهادة تكاليف الساب قال لي بنفس النص ( الساب !!! مش دة اللي كلكم بتجيبوا امتيازات ? ) وابتسم بأستهزاء . قال لي ( انا مبعترفش بالشهادات . انا هسألك) فقلت الحمد لله اخيرا المذاكرة تجني ثمارها . ولكنه امطرني بوابل اسئلة في محاسبة التكاليف لم اسمع بها في حياتي قط ولقد اكتشفت ان المنهج الذي درستة في الساب كان حبر علي ورق وليس لة اي استخدام في الحياة العملية
13- الصراحة اني ندمت اشد الندم علي دفع مبلغ 500 جنيها في مثل هذا الكورس و بعدها بفترة اخذت هذا الكورس في احد مكاتب المحاسبة بأقل من ربع ثمنة في الساب وقد استفدت الحمد لله 5 اضعاف عن الاول , وكان المحاضر شاب من سني ولكني احس ان لدية علم يوازي خمسين ضعف الدكتور في الساب و لدية القدرة علي ان يوصل لك المعلومات التي تفيدك في العمل او المقابلات وقد عرفت ان القيمة العلمية ليست بالمال بمعني ( مش كل مدفع اكتر استفيد اكتر)

اعذروني اخواني علي الاطالة عليكم ولكني احببت ان افيدكم في ما ممرت انا بة في هذا الكورس وخصوصا اني وجدت الكثير من الناس يسألون عن هذا الكورس ولا يعلمون حقيقتة الا بعد ان يلدغوا منه

05-01-2012, 02:59 PM

عطية22

مشارك مبتدئ

تاريخ التسجيل: Feb 2012

المشاركات: 19

مشاركة: تجربتي مع كورس sap عين شمس

جزاك الله خيرا

10-11-2012, 01:00 AM

redscorpion1000000

مشارك مبتدئ

تاريخ التسجيل: Feb 2009

المشاركات: 24

مشاركة: تجربتي مع كورس sap عين شمس

شكرا بجد ليك انا فعلا كنت نقلت بيانات الشهادة والمركز علشان اسال عليها لكن قدر الله لى ان اقرا تعليقك على الشهادة وابشرك اننى صرفت نظر عنها ده لانى خرريج عين شمس وعارف الموظفين هناك بتتعامل مع الناس ازاى وده بصراحة اللى خلانى اصدقك .......... زاك الله كل خير

02-09-2013, 12:59 AM

beeboo 2013

مشارك مبتدئ

تاريخ التسجيل: Feb 2013

المشاركات: 1

مشاركة: تجربتي مع كورس sap عين شمس

السلام عليكم
ممكن اعرف حضرتك اخدت الكورس ده في اي مكتب محاسبة؟
وهل فيه امتحانات؟ والشهادة؟

02-17-2013, 03:05 AM

ahmed elzaa

مشارك مبتدئ

تاريخ التسجيل: Feb 2013

المشاركات: 10

مشاركة: تجربتي مع كورس sap عين شمس

بجد شكرا جدا ليك
انا كنت هاخد الكورس دا بس لما عرفت ان مش مطلوب اجاده فاللغة الانجليزية اتأكدت انه ملوش اي لزمة والحمد لله سبته
يا جماعه فيه كورسات كتير جميلة وتقريبا فرقها بسيط عن الكورس دا ودي بتتواجد فالجامعه الامريكية
فعلا تحس انك بترتقي بعقلك
لكن بالنسبة لسوق العمل فمصر فتقريبا هوا مش محتاج شهادات وخبرة خالص هوا بالوسطة بس

03-10-2013, 02:02 PM

habib601

مشارك

تاريخ التسجيل: Dec 2009

المشاركات: 30

مشاركة: تجربتي مع كورس sap عين شمس

علي فكره ان مش موافق الاستاذ ahmed elzaa في موضوع الواسطه انا معاك ان في واسطه كتبر بس الاكيد ان انتا لو مش معاك شهاده كبيره اوخبر ه محترمه مش هاتتقدر
ده غير احساسك بالثقه وانتا معاك شهاده كويسه وغير احترام الغير ليك
انا جربت الثقه والاحساس ده قبل الشهاده وبعد الشهاده انا اخدت معايير محاسبه دوليه
وصدقونى الاجتهاد ليه طعم حلو
والرزق مش بتاعنا ----- السعي هو اللي بتاعنا

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى