هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

09-25-2009, 08:39 PM

elkhouly

مشارك نشط

تاريخ التسجيل: Sep 2009

المشاركات: 62

هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

السلام عليكم أيها الشعب الكريم

كل عام وأنتم بخير وصحة وعافية

أنا شاب مصري مغترب في الامارات في دبي بشتغل مدقق حسابات في أحد مكاتب التدقيق العالمية Big 4

من خبرتي المتواضعة في مصر والا مارات في مجال المحاسبة والمراجعة ومن دراساتي المتعددة أيضا في مجال المحاسبة والمراجعة حبيت أفيد الشباب المصريين الراغبين في اقتناص الفرص النادرة للعمل في الاسواق العالمية والمكاتب العالمية

ياريت اي حد من الخريجين الجدد او الطلبة او المحاسبين ذو الخبرة عنده أي استفسار عن سوق العمل والمتطلبات والمؤهلات المطلوبة وكيفية الوصول الى مكاتب التدقيق العالمية بسهولة والعمل فيها أو اي استفسار اخر يخص المهنة يسألني وله عندي الجواب إن شاء الله ... وسوف أقوم بتقديم نصائح لكل الشباب (الطموح) الراغب في الوصول لأفضل الفرص في مجال المهنة ولأي شاب بيفكر بدخل كلية تجارة او لاي محاسب بيفكر يطور من نفسه

برجاء الشخص اللي عنده إستفسار يوضع بياناته وموقفه الحالي من الشغل والدراسة و و عشان أقدر أعطيه توجيه صحيح بإذن الله

إنتظروا قريبا بعض النصائح والتوجيهات المهمة للمحاسبين بشكل عام ..

في إنتظار إستفساراتكم !!

تحيــــــــــــــــاتي !!!

09-25-2009, 08:57 PM

eg.king

مشارك

تاريخ التسجيل: Aug 2007

العمر: 37

المشاركات: 45

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

اولا : احب اشكرك على الموضوع دا لانه هيفيد ناس كتير
انا على من مصر 22 سنة خريج كلية تجارة دفعة 2008 شعبة محاسبة تقدير جيد ( جامعة بنى سويف ) . بالنسبة للكمبيوتر معايا شهادة icdl وبعرف اتعامل كويس جدا مع الاكسل وفكرة بسيطة عن peach tree , quickbooks
العمل الحالى : امين خزينة باحدى جمعيات تنمية المشروعات الصغيرة والحرفية والاقراض
بس المشكلة انى شايف ان الوظيفة الحالية لا ترضى طموحى الوظيفى ..
فاريت تقولنا ايه الكورسات او الدراسة اللى ممكن اخدها عشان اكون ماهل للسفر و ازاى اعرف اسافر لاى دولة بدون مكاتب سفريات والنصب بتاعها

09-25-2009, 09:14 PM

elkhouly

مشارك نشط

تاريخ التسجيل: Sep 2009

المشاركات: 62

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

الاخ علي : لا شكر على واجب

الاكسل يعتبر حاليا ضروري جداااا لاي محاسب او مراجع وكويس جدا اتك بتعرف تتعامل معاه

برامج المحاسبة كلها زي بعض ... يعني لو اتمكنت من برنامجين مشهورين زي كويك بوكس وبيتش تري يبقى كده ممتاز ... اي برنامج محاسبة هيمر عليك هتلاقي نفسك بتتعامل معاه بسهولة لان كل برامج المحاسبة فكرتها واحده

أنصحك تركز جداااا على اللغة الانجليزية قراءة وكتابة واستماع وكلو...
أنصحك كمان لو دراستك كانت بالعربي .. انك تروح مثلا الكلية بتاعتك وتشتري كتب تجارة انجليزي وبالتحديدة كتب المحاسبة المالية او اشتريها من اي مكتبة وتعرف كل المصطلحات بالانجليزي كويس جدا

في الامارات معظم الشركات الكبيرة او مكاتب التدقيق بيتعاملو فقط بالانجليزي

نصيحتي ليك أهم حاجة تكون محاسب معتمد certified او semi certified

لو حابب مجال المحاسبة المالية أنصحك بشهادة ال CPA او ACCA
لو حابب محال المحاسبة الادارية او محاسبة التكاليف انصحك بشهادة CMA

السفر لاي دولة ممكن بس لو معاك مؤهلات زي اللي فوق هتسهل عليك الموضوع جدااااااا

تحياتي

07-28-2010, 11:10 AM

شريف سالم

مشارك مبتدئ

تاريخ التسجيل: Sep 2009

المشاركات: 8

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

لو سمحت عاوز أعرف تفاصيل أكتر عن ACCa ولو فيه كتب خاصة بالكورس
ولك جزل الشكر والتقدير

07-27-2014, 04:01 AM

muhmmed

مشارك فعال

تاريخ التسجيل: Feb 2012

المشاركات: 153

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

انا طالب تجارة تعليم مفتوح و بشتغل موظف تنفيذى فى قسم الحسابات بشركة تامين والحمد لله بتعمل مع الاكسل والاكسس كويس جدا وبفضل ربنا اللغة الا نجليزية عندى قوية وده ساعدنى فى انى احصل على معلومات فى مجال المحاسبة من الكتب الاجنبية
اسفسارى هل من الممكن اشتغل محاسب وانا لسه بدرس ولا ده شىء صعب ؟
شكرا

09-25-2009, 10:35 PM

elkhouly

مشارك نشط

تاريخ التسجيل: Sep 2009

المشاركات: 62

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

عدنا لكم

حبيت أشارك معاكم خبرتي في مجال المحاسبة والمراجعة وأسواق العمل في الخليج او في مصر

موضوعي بالتحديد هيكون عن مجال المحاسبة المالية والتدقيق اللي هما يعتبروا عصب مهنة المحاسبة ومفتاح النجاح لاي شخص طموح واللي فيهم بالتحديد تتوافر معظم فرص العمل وكمان الرواتب اللي زي العسل والكاش المحترم

النصايح التالية للي حابب يمتهن المحاسبة المالية ومهنة التدقيق ( بالتحديد : خريجين قسم محاسبة )

خلينا نبتدي من الاول خالص :

1-تجارة عربي ؟؟

لو إنت خريج تجارة عربي زي حالاتي لازم يا أستاذي تعرف المحاسبة بالانجليزي ..... بأي طريقة ... انا مثلا اشتريت كتب المحاسبة المالية بالانجليزي من مكتبة الجامعة .. مع العلم نفس الكتاب ممكن تلاقيه بيتباع في المكاتب الخارجية ب 100 او 150 جنيه ... زاكرهم كويس جدااا .. اتعلم ومارس كل حاجة بالانجليزي

2-استعيد الذكريات :

لو انت مخلص كلية وحاسس كده انك طلعت من المولد بلا حمص يعني حاسس انك مش فاهم كان بيحصل ايه في ال 4 سنين اللي فاتوا زيي كده مثلا .. كنت فاقد الوعي ل 5 سنين .. فنصيحتي انك ترجع لكتب سنة اولى وتانية وتالتة ورابعة وزاكرهم تاني (مش كلها .. المحاسبة الماليه في الاساس) ؟! ايوه زاكرهم تاني بس المرادي بفهم مش مزاكرة عشان عايز تنجح في الامتحان وخلاص .. لأ مزاكرة عشان تنجح في الحياة ...مزاكرة بفهم مش مزاكر حفظ ... لو محتفظ لسه بالكتب يبقى خير وبركه ولو مش محتفظ بيهم برضه روح مكتبة الجامعة واقف مع طلبة سنة اولى في الطابور واشتري الكتب تاني .... أيوه انا عملت كده مش عيب يا أستاذي!

3-الاساس :

ركز جدااا على الاساسيات بتاعة المدين والداين وكتب المحاسبة المالية بتاعة سنة اولى وتانية بالتحديد... تمكن منها كويس جداا جدا ... هيه دي مفتاح النجاح!

4-الخبرة :

حاول في بداية حياتك تشتغل الحاجة اللي تعلمك مش اللي تقبضك ... حاول تدور على شغلانه بتمارس فيها كل الحسابات مش حاجة معينة بس.. يعني مثلا لو انت محاسب عملاء او محاسب بنك .. مش وحشة بس برضه حاول تعرف كل حاجة بتمشي ازاي وحاول تتوسع وتشتغل على كل الحسابات المالية في الشركة ... يفضل تشتغل في شركة تجارية ( هيه دي اللي هتعلمك صح )

5-اللغة :

اللغة في رأيي اهم من شهادة الكلية نفسها ... لازم تتعلم انجليزي صح .. حاول يكون ليك هواية بالانجليزي سواء افلام – موسيقى – قراءة .. المهم تتعلم تتكلم وتسمع وتكتب وتقرا انجليزي صح .. للاسف الشباب المصري ضعيف جدا في الناحية دي مقارنة بشعوب دول اخرى زي الهند وباكستان والفلبين اللي واكلين 95 % من التورته في دول الخليج .. أقصد بالتورته : سوق العمل

6- الشهادة المهنية :

حاليا في الوقت الحالي مع كثرة البشر وكثرة المعروض من العمالة .. أصبحت شهادة الكليه للمحاسب زي شهادة الثانوية العامة .... لااااااااااااااازم يكون معاك شهادة مهنية عشان تكون (محاسب معتمد) .. أنصحك بالشهادات التالية:

لو حابب مجال المحاسبة المالية والتدقيق في عندك شهادتين:

-شهادة الCPA - (شهادة أمريكية) : وتعني محاسب قانوني معتمد وطبعا الشهادة مكلفة جداااا وتحتاج سفر .... ممكن تسجل مع اي معهد او ممكن تزاكرها مع نفسك لو تقدر .. كل واحد وامكانياته المادية والفكرية (إسألني لو عايز معلومات اكتر عنها )

-شهادة ال ACCA : (شهادة بريطانية) : وأنا انصحك بيها لان تكاليفها أقل من ال CPA وامتحاناتها في مصر .. سجل مع اي معهدوابتدي فيها من دلوقتي حاااالا لانها بتاخد وقت وتعتبر زيها زي ال cpa (إسألني لو عايز تعرف معلومات عنها )

الشهادة دي مطلوبة جدا في الامارات وبالتحديدة في مكاتب التدقيق العالمية .. يوجد منها نوعين : نوع يستخدم المعايير البريطانية ونوع يستخدم المعايير الدولية .. أنصحك تقدم عليها بالمعايير الدولية ... مثلا عندنا في المكتب شهادة ال cpa شبه مرفوضة ... المكتب بيفضل الناس اللي معاها ACCA او معدي حتى كم جزء منها .. مجرد انك تذكر في CV بتاعك انك معاك ACCA او حتى بتدرسها وعديت كم امتحان منها بيعطيلك أفضلية رهيبة

الشهادة ممكن تبتديها علطول بعد ما تخلص ثانوية عامة او ممكن تبتديها وانت في كليه .. نصيحة لكل شاب مصري لسه في الكلية او لسه مخلص .. ابتدي في دراسة الشهادة فوراااااااااااااااا .. يعني لو انت في سنة اولى كلية .. ابتدي فيها وعلى ما تخلص كليه هتلاقي نفسك خلصت الشهادة وبقيت محاسب معتمد بس متطلبات الخبرة هتاخدها في اي وقت بعدين.. واتفرج على الفرص اللي زي اللوزوالفلوس الحلوة سواء جوه مصر او بره وانا اضمنلك كده

الشهادة مطلوبة في الامارات لانها بتستخدم المعايير الدولية والامارات تستخدم المعايير الدولية

للأسف في دبي والامارات بشكل عام .. مهنة التدقيق مسيطر عليها الهنود والباكستانيين والفلبينينن .. كل دولة من الدول دي عندها جمعية محاسبين خاصة بيها لاعتماد المحسابين .. وبيعترفوا بيها في الامارات زيها زي الشهادة الاجنبية وزيها زي ال CPA الا عضوية جمعية المحاسبين المصرية اللي اعتقد غير معترف بيها هنا لان درسااتها بالعربي .. للأسف الشديد

هديلكم مثال حقيقى : أغلب الشباب الهنود والباكستانيين اللي واكلين سوق العمل في الامارات بيخلص كلية وبيكون معاه الشهادة المهنية بتاعته جاهزة .. يعني ممكن يكون عنده 20 سنة بس وتلاقيه محاسب معتمد لانهم كلهم بيدرسوها وهما عندهم تقريبا 17 سنة مش زينا احنا نايمييييين في العسل ... ومستغربين ليه الفرص ضعيفة للمصريين في الخليج ! .. بس للاسف مكنش فيه حد ينصحنا وقتها عشان كده حبيت أنصح الشباب اللي حابب يوصل في مجال المهنة وحابب فرص أفضل

7-العمل

بالنسبة للفرص الخارجية ممكن تشتغل في شركات او مكاتب تدقيق ... الافضل انك تبتدي في مكتب تدقيق كمساعد مراجع .. دي احسن حاجة ممكن خريج جديد يبتدي بيها حياته ودي هتوصلك لفرص ممتازة في المستقبل سواء في مهنة المحاسبة او المراجعة .. لو عايز تعرف مثال عن طبيعة الامتحانات في اماكن مثلا زي مكاتب التدقيق في الامارات إسألني وليك عندي الرد ان شاء الله

اللهم قد بلغت .. اللهم فأشهد

أتمتى اكون قدرت أفيد الشباب والشابات الواعدين.. وياريت اللي عنده اي استفسار يراسلني وانا حااااااااااااااضر

01-11-2010, 04:18 PM

ahmadyosief

مشارك مبتدئ

تاريخ التسجيل: Jan 2010

المشاركات: 1

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

بجد شكر خاص ليك بس كنت عاوز اعرف معلومات اكتر عن cpa andAccA

01-23-2010, 05:52 PM

elkhouly

مشارك نشط

تاريخ التسجيل: Sep 2009

المشاركات: 62

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

اقتباس:

المشاركة الأصلية كتبت بواسطة ahmadyosief

بجد شكر خاص ليك بس كنت عاوز اعرف معلومات اكتر عن cpa andacca

السؤال تم الاجابة عليه باستفاضة في الصفحات الاولي ... هحاول اعمل فهرس للاسئلة المتكررة قريبا حتى يسهل الرجوع اليها لجميع الاعضاء

تحياتي

01-25-2010, 04:21 PM

براعم مصر

مشارك ذهبى

تاريخ التسجيل: May 2009

المشاركات: 200

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

اقتباس:

المشاركة الأصلية كتبت بواسطة elkhouly

يا ريت يا أستاذ خولى تعمل فهرس للأسئلة حتسهل علينا وعليك كتير
وجزاك الله خيراً على ما تقدمه

__________________

12-01-2011, 10:17 AM

#10

عبدالرحمن محمد شحاتة

مشارك مبتدئ

تاريخ التسجيل: Dec 2011

المشاركات: 6

مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات

شكرا جزيلا ليك بجد الموضوع هايل ممكن تقولنا اكتر عن شهادة الacca يعنى لو حبيت ادرسها ايه افضل مركز يكون سعره مناسب ويا ترى مدة دراستها كام؟
وشكرا جزييييييييييييييييييييييييييييييييييييييييييييييلا

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى