youth2006

حبيت يكون العنوان يشد .. انا محاسب جديد خريج تجارة انجليزى 2009
خلينى اجيب قصتى من الأول .. انا دورت فى مصر لما قولت يا بس على شغل و طبعا الشغل مش موجود غير فى القاهرة و المرتب مش مغطى حتى فلوس السفر من القاهرة لطنطا ... طب مكتب سفريات اتصل بيا و قالى شركة فى الدمام و اسمها كذ و ادور تطلع تانى اكبر شركة فى السعودية فى مجالها ... طب تمام اوى اخوكم طبعا لسه ابيض .. و ده شركة كبيرة يعنى اكيد هستفيد خبرات كتير ... اجهز اوراقى و اخلص تطلع فى الآخر يقولى محطة بنزين فى حائل و انت المسئول عنها ... طبعا انا خلاص اتورطت ... منه لله .. المهم بتعامل هنا مع برنامج اسمه smacc اغبى منه مفيش .. و اكيد بعضكم يعرف كده .. غير كده انا حاسس انى تايه .. طبعا شغل الكلية مبيطبقش فى الواقع و انا نفسى اعرف .. ابدأ ازاى و منين .. علشان انا متأكد ان السنتين الهقضيهم هنا هيروحوا من عمرى كده ... مش هستفيد اى حاجة .. الا لو سعيت انا بنفسى

يا ريت اهل الخبرة يساعدوننى

mr.aboubakr

ان لم تعمل ما تحب فحب ما تعمل حتى تعمل ماتحب
انته حاول خلال الفترة اللي فاضلة انك تطور نفسك عن طريق دراسة الشهادات المهنية
مثل الـ cma او cia او cpa
وان شاء الله ربنا يكرمكـ و تقدر تستفيد كويس خلال الفترة اللي انته فيها هنا
انته ممكن تعمل بعض العمليات المساعدة ليك في شغلك جوار البرنامج سماااك ، انا سمعت عنه وفي ناس كتير شغالين بيه بس ما اعرفش تفاصيل كتير عنه
المهم ارضي باللي ربنا كتبهولك و توكل على الله و اعمل عمرة وحج السنة دي و كده تبقي العملية ميه ميه
وتنزل تلاقي شغل في مصر ان شاء الله

Panorama2011

انا بشتغل فى الريا

Panorama2011

انا بشتغل فى الرياض ولو فيه اى مساعدة اقدر اقدمهالك فى مجال العمل من خلال مساعدة بالراى انا تحت امرك
0507796196

هشام حلمي شلبي

استغل الفترة دي وحاول تظبط الانجليزي وادرس معايير المحاسبة كويس وأهل نفسك للفترة اللي بعد كدا
الله يوفقك

__________________

<أحب الناس إلى الله أنفعهم للناس ، وأحب الأعمال إلى الله عز وجل سرور يدخله على مسلم ، أو يكشف عنه كربه أو يقضي عنه ديناً أو يطرد عنه جوعاً ، ولأن أمشي مع أخ في حاجه أحب إليَّ من أن أعتكف في هذا المسجد - مسجد المدينة - شهراً ومن كف غضبه ستر الله عورته ، ومن كتم غيظه ولو شاء أن يمضيه أمضاه ، ملأ الله قلبه رجاءً يوم القيامة ومن مشى مع أخيه في حاجة حتى تهيأ له أثبت الله قدمه يوم تزول الأقدام >

صححه الألباني الأحاديث الصحيحة رقم (906)

youth2006

انا اسف جدا انى متابعتش الموضوع طول الفترة الفاتت ده ... بس بجد شكرا كتير على ردودكم ... و انا راضى بالربنا قسمهولى خاصة ان مفيش حاجة بتكون فى حياتنا من غير سبب ... بس انا عايز اخد بالأسباب و علشان مندمش بعد كده على اى حاجة ... و انا كنت استشرت استشارة تانية كده عملتها فى موضوع منفصل و هي عن ال acca يا ريت لو تشوفوها و منتظر ردودكم

أحمد جمال 1986

أخي .. الحقيقة أنا وضعي مشابه تقريبا لوضعك ..
أنا خريج 2009 عربي اسكندرية وفعلا بحثت عن فرصة في مصر ولم أجد وبرده جالي عرض في القصيم وطلعت على أساس انها شركة مقاولات .. لما وصلت لقيتها مؤسسة ومش زي ما توقعت والمحاسب كان نزل مصر ومرجعش ولك أن تتخيل مؤسسة بدون محاسب لمدة 4 شهور..
الوضع في البداية كان بيقول "إهرب" لكن بفضل الله صبرت وأخدت خبرة وصدقني أكتر مما حتاخد في أي شركة عشان كل حاجة انت اللي بتشتغلها بإيدك وبتتعرض لجميع أنواع الحسابات.
نصيحتي لك استفيد بوقتك وحاول تنمي قدراتك في الانجليزي وحاول تذاكر أي شهادة وان شاء الله وقتك مش حيضيع هدر.

أتمنى لي ولك التوفيق ولو احتجت أي مساعدة أنا في الخدمة
0.5.4.2.4.1.7.6.0.0

__________________

أحمد جمال 1986

وبخصوص شهادة ال acca حقيقة أنا بفكر جاهدا إني أبدأ فيها وميزتها ان ممكن تمتحن هنا في جده أو الرياض أو الخبر ياريت تتواصل معايا ونساعد بعض باذن الله.
تحياتي.

__________________

wa7id

الأخ العزيز

تحمل ما أنت فيه ، فمن الصعاب تصنع عزائم الرجال

إحمد ربنا انك سافرت و مهما كانت الصعاب و المشكلات اللى قبلتك ، صدقنى إنت المستفيد منها لأنك هتخرج بخبرة حياتية هتفيدك فى حياتك قدام...... دا بالنسبة للمشكلة العامة.

أما المشكلة الخاصة (اللى تخص الشغل) ... صدقنى دى مش مشكلة و لا حاجة لأن محتاجين منك شوية صبر و شوية مذاكرة كدا تسترجع فيها اسس المحاسبة و لو إنى عارف إنك أكيد مذاكر و لكن لو قابلتك مشكلة ما حاول تذاكر الموضوع بتاعها.

كمان شهادة مهنية زى اللى حضرتك بتفكر فيها دى .. هتكون هايلة و هتخليك تطور من نفسك جامد و هتحس انك بقيت غير بعدها.

مش عيب أبداً إنك تبدأ حياتك المهنية فى مكان متواضع و لكن العيب هيكون فى حاجة من اتنين : هو إنك تمل و تسيب الشغل أو إنك تستموت على وضعك دا.

و ربنا معاك و معانا جميعاً

__________________
برامج تصميم"]