دكتور عصر

السلام عليكم ورحمة الله وبركاتة ..... محمود
واضح أنك فى السنة النهائية لأنه فاضل 4شهور وتتخرج وطبعا أكيد درست مادة المراجعة فى الكلية ويمكن تدرسها فى الترم الثانى
على أى الأحوال المحاسب القانونى عبارة عن المحاسب المرخص له بمزاولة مهنة المحاسبة والمراجعة من خلال القيد فى سجل المحاسبين بوزارة المالية وطبعا لكى يتم القيد فى السجل كمحاسب لابد من التمرين فى مكتب محاسبة (محاسب تحت التمرين )لمدة ثلاثة سنوات متصلة .
طبعا مكتب المحاسب القانونى بيقوم بالعديد من الخدمات التى يقدمها لعملائة مثال ذلك :

تصميم النظم المحاسبية للمنشآت بما فى ذلك نظم التكاليف والمراقبة الداخلية .
مراجعة حسابات الشركات واعتماد ميزانيتها .
تصميم البرامج التدريبية وتنفيذها للعاملين بالشركات المختلفة .
دراسات الجدوى وتقييم المشروعات .
تأسيس الشركات بأنواعها المختلفة .
الاستشارات المالية والمحاسبية والضريبية
إدارة المنازعات الضريبية الخاصة بممولى ضرائب الدخل وضرائب المبيعات .
وبالطبع هذه الأعمال تختلف من مكتب إلى آخر وفقا لتأهيل المحاسب وفريق العمل بالمكتب وطبعا العملاء
تقبل تحياتى

__________________
[blur]دكتور عصر[/blur]

realman

بص يا محمود انا فى نفس سنك وبردوا فاضللى باذن الله 4 شهور واتخرج

بخصوص سؤالك على محاسب تحت التمرين بيعمل ايه فاحب ابشرك ان فى واحد صاحبى خلصت السنة اللى فاتت واشتغل فى مكتب محاسبة

بقاله 4 شهور دلوقتى بيصور الورق وبيلف على الشركات واللى ناقص انه يكنس ويمسح البلاط


شكرااااااااااااااا

__________________

دكتور عصر

أكيد صاحبك مش فى مكتب محاسبة ، بدليل أن المحاسبين القانونيين أعضاء المنتدى كانوا محاسبين تحت التمرين فى مكاتب محاسبة ودلوقتى اصبحوا خيراء فى المحاسبة والضرائب
المهم اختيار مكتب مناسب

__________________
[blur]دكتور عصر[/blur]

MAGEDCAROTS

ياعم خليها علي ربنا وان شاء الله خير وهتشتغل

قمر الورد

اجتهد وخلص دراستك ولكل مجتهد نصيب وان شاء الله ربنا يكرمك

__________________

badradhm

الى كل اعضاء المنتدى المشاركين فى هذا الموضوع
المحاسب القانونى هو مصدر الثقة فى القوائم المالية
العمل فى مكتب محاسب يتطلب حب المهنة اولا وليس النجاح فى الكلية بدرجة عليا
فالمحاسبة هى حياة الشركات والموسسات
والمحاسب القانونى ليس وليد الصدفة بل هو مجهود وتطور واطلاع وتطبيق قوانين وخبرة سنين

realman

لا يا دكتور فى مكتب محاسبة

بس لازم يشوف المر الاول عشان يبدأ يشتغل واكيد كل المحاسبين القانونيين اللى هنا فى المنتدى

عارفين كدا كويس الا لو كنت متوصى عليك طبعا

__________________

moshera

بص دراستنا عليها عمل مهم جدا فى الشغل لاننا لو مش فاهمين محاسبه مش هنعرف نشتغل
اعمل اللى عليك وان شاء الله ربنا هيجزيك خير

__________________