a_mansour2008

اكيد يا باشا كلامك منطقى بس فى حاجه

اولا : المشكله موش مشكله اعاده تبويب حصلت على الحسابات او دمج حسابات


لان انا عملت اللى انت بتقوله واخدت الارصده من الميزانيه وحاولت ارجع السنوات السابقه عشان اشوف الحسابات التحليليه لكل واحد

يعنى مثلا رجعت بالمصاريف المستحقه عشان اشوف التحليل بتاعها لكن للاسف فى بدايه 2006 مثلا لاقيت رصيد بدايه المده غير اللى فى الميزانيه نهايه 2005

حاجه تانيه لاقيت ان مرتبات شهر 12 2007 اللى الموظفين قبضوها فى 2008 موش مثبوته مصاريف مستحقه او اجور ومرتبات مستحقهوغيرها من الحاجات اللى كانت لازم يتعملها استحقاق


ثانيا : رجعت بالاصول الثابته علشان اقدر اعمل بيان بالاصول اللى عندى

للاسف الشديد لقيت حاجات المفروض انها مشتريات والشركه هتبيعها مثبوته اصول ثابته وغيره وغيره

هتقولى بقى فين المحاسب القانونى من كل ده


هقولك اكيد مكانش عنده وقت يراجع كويس لان فى 20 ميزانيه تانيه الراجل بيعملها

وشكرا يا باشا على مشاركتك الجميله

sultanaccount

السلام عليكم ورحمة الله وبركاته
اولا : بالنسبه للمحاسب القانوني مسئوليتة حتي ولو عنده 10000 ميزانيه لأنه لديه التحليلات التي تم عمل الميزانيه عليها والا كان ؟؟؟؟ وليس محاسب قانوني
ثانيا : مسئوليتك الفعليه من 2008 اي بالأرصده التي تسلمت عليها العمل وبالتالي يجب ان تقوم بوضع هذه الارصده من واقع الميزانيه وتسير عليها في 2008
ثالثا : يتم متابعة كل حساب ومقارنته بالأرصده المذكوره وتتبعها لمعرفة الفروقات ثم يتم عمل المعالجات فمثلا المرتبات التي لم يعمل لها استحقاق يتم صرفها كمصروف خلال 2008 ( مصروفات سنوات سابقه ) وبالنسبه للعهد يتم عمل التسويات اللازمه كما أوضحت سالفا ... مع ملاحظة انه يجب عمل مذكره بكل هذه الملاحظات وعرضها علي صاحب الشركه ( بمشاركة المحاسب القانوني ) حتي يكون علي بينه من الأخطاء الوارده فيما سبق فلا يتم تحميلك بأي مسئوليه عن أخطاء من سبقوق ... وكما أوضحت سالفا أني تحت أمرك فيما تجده من مشاكل أكتب المشكله وأرد بالحل أن شاء الله
محمد سلطان
محاسب قانوني
[email protected]

a_mansour2008

اشكرك استاز محمد

ونبدأمع بعض الرحله الشاقه


س1 عندى حساب اسمه مدينون متنوعون فيه مبلغ 1000ج والرصيد ده مرحل من 2006الى 2007 الى 2008

ولما رجعت الى 2006 ملقيتش حساب اصلا اسمه مدينون متنوعون ايه الحل فى الرقم ده ؟


س2 لما رجعت بالاصول الثابته لحد 2005 لقيت مبالغ كتير متحمله اصول بالخطأ زى

مبلغ دفعه مقدمه تحت حساب شراء ثلاجه للبوفيه 1000ج وبعد كده الثلاجه مثبوته تانى بكامل قيمتها

مبلغ تم شراء 5 اجهزه كمبيوتر ولكن لبيعهم موش لاستخدام الشركه وتم بيعهم ومازالوا مثبوتين اصول

الاصول بقى اللى قبل 2005 ملهاش اثر لان الحسابات قبل كده كلها مختفيه تماما وطبعا فى رصيد

فى اول 2005 مرحل من الحسابات دى

كل اللى فات بقى بالنسبه للاصول بيتعمله اهلاك سنوى عادى جدا ................. ايه الحل؟


س3 90% من المصاريف المستحقه اللى المفروض كانت تثبت السنه اللى فاتت متثبتتش



منتظر اجابتك على ما اجهز اسئله اخرى يا باشا

ومشكور لتعبك معايا

احمد ابوسنة

مع احترامي التام لرأي الزميل



الا اننى اصر انه لا علاقة لك بنتيجة الانشطة للسنوات السابقة

ولا علاقة لك بخطأ المحاسب السابق

وواضح من أسالتك ان المحاسب القديم كان مقضيها

وان المحاسب القانوني الذي ذكره الزميل انه من المفروض ان يكون معتمد تلك الحسابات
واضح انه لا وجود له بالمره او انه يقرب للمحاسب القديم وعشان كده كان بيداري عليه


ولذلك انا قولتلك ريح نفسك

واستلم ميزان مراجعة بأرصدة حقيقية تكون انت مسئول عنها تخص عام 2008 فقط او مرحلة من 2007 ولكن تكون صحيحة

وكل العك اللى مسجله المحاسب القديم سيبك منه ولكن يجب توضيحه الى صاحب العمل
بتقرير وافي لكي يتم اثبات تقصير المحاسب القانوني ايضا
ولكن مسئوليتك انت تحدد فى استلام ارصدة صحيحة عن العام المستلم فيه العمل فقط



وبالتوفيق ان شاء الله

__________________
زكاة العلم نشره وان اطيب الصدقات هى صدقة المعرفة

sultanaccount

السلام عليكم ورحمة الله وبركاته
اولا : بالنسبه لميزان المراجعه مؤكد انه نفس الارصده ( أن كان هناك أصلا ميزان مراجعة ) لأنه بوصف الزميل السائل واضح أنه لم يكن هناك حسابات
ثانيا : الاجابه علي أسئلة سيادتكم
المدينون المتنوعون هي مجموعة حسابات تدرج تحت هذا الاسم وليس بند واحد فمثلا : العهد والسلف / والخصم تحت حساب الضريبه ... الخ وبالتالي أن كان هناك تحليل لهذه الحسابات فخير وبركه ... وأن لم يكن هناك تحليل حاول أن تري حسابات موجوده وليس لها أرقام بالميزانيه ( أو ميزان المراجعه حتي لايزعل زميلنا الغالي احمد ) وتجمعها فأن أعطتك هذا الرقم كان بها ... وأن لم تجد هذا الرقم فالواضح أنه قد وضع أرقام فقط ولا تمت للواقع بصله ولذلك تقفل في الحسابات الجاريه للشركاء
الاصول المكررة أي تم أثباتها مرتين فهناك حل من اثنين :
اما تقفل كأنك بعتها وبالطبع تحاول أن تضع أرقام أقل من قيمتها بالدفاتر بعد طرح الاهلاكات حتي لاتحتسب أرباح رأسماليه
والحل الآخر أن يظل بالميزانيه وانت والاداره علي علم بهذه المعلومه ( سبق وقلت تكتب مذكره بهذه المشاكل وتعرض علي الاداره والمحاسب القانوني حتي تخلي مسئوليتك ) ويتم عمل أهلاكات
المصروفات المستحقه التي لم يعمل قيد استحقاق لها سبق والاجابه عليها من قبل تدرج كمصروفات سنوات سابقه في 2008
ارجو ان اكون غطيت الاسئله
محمد سلطان

a_mansour2008

تمام يا باشا

بس دلوقتى انا بقولك فى حسابات كتير متحمله على الاصول بالخطأ

زى مثلا الدفعه المقدمه من ثمن الثلاجه دى كانت المفروض اخفض بيها دائنو اصول ثابته

ابيعها ازاى بقى وموش منظر خالص انها تبقى ضمن الاصول فى الميزانيه

ونفس الوضع بالنسبه لاجهزه الكمبيوتر --- مشتريات

احمد ابوسنة

يااخي الكريم

انا احترم رأي كل الاخوة المشاركين فى الحوار


ولكن يبدوا ان أمامك حل واحد فقط

اوصل للأرصدة الصحيحة واعمل بيها قيد افتتاحي

اعد تقييم الأصول والخصوم مرة اخري بناء على الواقع العملي
واعمل مركز مالى جديد للمنشأة فى 1-1-2008 م

وابدأ منه بقيد افتتاحي وايضا بمساعدة المحاسب القانوني وهذا وارد جدااا وليس محرم مهنياً

أو خلى المحاسب القانوني المسئول عن دفاتر المنشأة ومراجعتها يعملك قيد افتتاحي هو ويوقع عليه وتبدأ منه

اعتقد انه ليس امامك سوي هذا الحل


وبالتوفيق

__________________
زكاة العلم نشره وان اطيب الصدقات هى صدقة المعرفة

احمد ابوسنة

اخي الكريم الاستاذ محمد سلطان

بالفعل ميزان المراجعة هو اصل الحسابات الختامية ومنه من الممكن ان نعد كل الحسابات الختامية
متاجرة ارباخ وخسائر وميزانية

ولذلك انا ذكرت للزميل السائل ان يتم عمل قيد افتتاحي من ميزان المراجعة بعد التأكد من صحة الأرصدة الموجودة به واخيرا اعتقد انه ليس امامه حل سوي تصحيح الأرصدة ليبدأ منها عمله القادم ولا علاقه له بخطأ المحاسب السابق ولا خطأ المحاسب القانوني فى مراجعة الدفاتر للأعوام السابقة

لو انا مكانه مش هعمل اكتر من كده انا رايح اشتغل محاسب مش مراجع ورايح علشان اكون مسئول عن اللى جاي مش عن اللى راح ....


والحالة دي تماما انا هعتبر ان المنشاة لا يوجد بها حسابات منتظمة وهقيم انا بنفسي كل الأرصدة مرة اخري واخد الصح واصحح الخطأ واعمل قيد افتتاحي وابدأ منه


شكرا جزيلا لك ..

__________________
زكاة العلم نشره وان اطيب الصدقات هى صدقة المعرفة