![Icon23](images/icons/icon23.gif)
ما هي اجراءات انشاء مركز لتعليم اللغات ؟
السلام عليكم ورحمة الله وبركاته
انا كنت بفكر باذن الله في انشاء مركز لتعليم اللغات و قريت عن الصعوبات الخاصة بالتراخيص والضرائب والموافقات الحكومية وكنت قريت انه ممكن نتغلب علي الصعوبات ديه عن طريق ان المعهد يصبح فرع لاي جمعية خيرية وبكده حنخلص من الصعوبات ديه وكنت طالب من حضراتكم تفاصيل اكتر عن الموضوع ده وياريت اسماء لجمعيات خيرية في الاسكندرية ممكن توافق علي كده
فيه ناس اقترحت عليا انه الافضل اني اشهر جمعية خيرية خاصة بيا وكان عندي شوية اسئلة بهذا الخصوص :
كنت عايز اعرف حكاية اشهار الجمعية الخيرية ديه بيتكلف فلوس اد ايه ؟ وهل انا لوحدي ينفع اشهر جمعية خيرية ولا الجمعية الخيرية بتتطلب لاشهارها اكثر من شخص ؟ وكنت سمعت برضه ان الجمعية الخيرية لازم يكون هدفها الاساسي خدمة المجتمع والانشطة الخيرية واي نشاط مادي ليها لازم تصرف ارباحه في خدمة المجتمع والانشطة الخيرية وطبعا حضراتكم عارفين انا عامل المشروع ده في الاساس للربح فازاي احل المشكلة ديه ؟ ياريت حضراتكم تفيدوني وجزاكم الله كل خير ووفقكم الي ما يحبه ويرضاه