بشري1

محتاجة الرد على سؤالى قبل يوم الاربعاء

elkhouly

أكيد ليه لأ ؟ الخبرة في فندق اكيد مفيدة وممكن تشتغل بره في فندق في محاسبة الفنادق .. الاماكن اللي تخليك مطلوب في الخارج .. ممكن بيج فور او اي شركة عالمية في مصر

تحياتي

elkhouly

عليكم السلام ورحمة الله
أكيد لازم يكون معاكي كمبيوتر وانجليزي
الموقع اللي انتي ذكرتيه مش شغال .. بس على العموم اي دبلومة واي كورس حاسة انه هيضيف ليكي أكيد هيكون شئ ذو قيمة في المستقبل
ممكن انتي تأهلي نفسك بنفسك زي ما انا ذكرت في الصفحة الاولى وفي ردودي السابقة .. او لو الموضوع صعب عليكي .. أبتدي مع معاهد انجليزي او محاسبة ودوري على شغل عشان تحسي بفائدة اكبر .. الكورسات اللي انتي قلتي عليها كلها مفيدة سواء محاسبة او انجليزي او كمبيوتر... بس ابتدي فيهم بالتدريج ودوري على شغل في نفس الوقت عشان تحسي بفايدة ...

تحياتي

elkhouly

يسرا إبراهيم
محمدacc

شكرا على مروركم

تحياتي

بشري1

جزاكم الله خيرا

دة المعلومات عن الكورسات ارجوا انكم تستفادوا منها ومستنية نصيحتك اخى






نبذه عن المشروع :
-------------------
إيمانآ من جامعة القاهرة بمسئوليتها تجاه خريجيها في دعمهم و تأهيلهم ورفع كفاءتهم بما يتماشى مع متطلبات سوق العمل وآلياته الجديده ... وإنطلاقآ من حرصها على نشر الخبرات العمليه في مجال تكنولوجيا المعلومات واللغات والعلوم الإدارية ورغبتها في توفير فرص عمل متميزه تليق بمستوى خريجيها بعد التأهيل المناسب ... لذا فإن مركز البحوث والدراسات التجارية بكلية التجارة و بمشاركة مراكز تدريب لها خبراتها وشركات كبرى تسعى إلى توظيف الخريجين الجدد ذوي الكفاءات المؤهله للعمل تهدف إلى توفير مجموعه من الدبلومات التدريبية المتكامله لعدد محدود من الدفعات الحديثه من خريجي الكليه وترشيح المميزين منهم للعمل بالوظائف المطلوبه .

الدبلومات التدريبيه المعتمدة المشروع:1
– الدبلوم التدريبي في : تطبيقات الحاسب المتقدمة في القطاع المالي والمحاسبي .
11i ORACLE e-Business Suite "Financial Application
http://www.next-eg.com/course.aspx?id=36
2- الدبلوم التدريبي في : تحليل وبرمجة نظم المعلومات
Computer System Programmer &Analyst
http://www.next-eg.com/course.aspx?id=35
3 – الدبلوم التدريبي في : إدارة مواقع الإنترنت
Web Master .
http://www.next-eg.com/course.aspx?id=34
4 - الدبلوم التدريبي في :إدارة المكاتب وأعمال السكرتارية التنفيذية
Executive Secretary .
http://www.next-eg.com/course.aspx?id=56

مميزات المشروع:

أولآ : يحصل المتدرب على الكورس التدريبي المعتمد CourseOfficial بما يؤهله للحصول على الشهاده الدولية المتخصصه في هذا المجال حسب رغبته .
ثانيآ : يحصل المتدرب على شهادة دبلوم تدريبي معتمده من جامعة القاهره ..
ثالثآ : يحتوي الدبلوم التدريبي على كورسات أخرى خاصه بتنمية المهارات الشخصية عامة وكذا المهارت المطلوب توافرها للعمل في مجال الوظيفه خاصة .
رابعآ : يحتوي الدبلوم التدريبي على بعض الكورسات والخبرات الإضافية للتأهيل للتوظيف من خلال خبراء بكبرى شركات التوظيف الكبرى بمصر .
خامسآ : يتم توفير فرص عمل لأفضل المتدربين عن طريق التعاقد مع شركات التوظيف بمصر والخارج بعد تأهيلهم بالشكل المطلوب .
سادسآ : تكون قيمة الدبلومات التدريبية مخفضة بنسبه تصل إلى الـ 80% من القيمه الحقيقيه لها .

خطة الإلتحاق والتدريب بالمشروع :

يتم تنفيذ المشروع على 3 مراحل كالتالي :
المرحله الأولى :
أولآ : مدة التدريب 6 شهور تبدأ في 15/10/2009م وحتى 15/04/2010م حسب الساعات المعتمده لكل دبلوم تدريبي على أن تكون الدراسه مرتين بالأسبوع بإجمالي 8 ساعات أسبوعيآ .
ثانيآ : يبدأ التقديم للإلتحاق من 01/08/2009م وحتى 30/09/2009م .
ثالثآ : التدريب يكون في فترات صباحية ومسائية حسب ظروف كل متدرب .
رابعآ : ينقسم التدريب إلى جزء نظري وآخر تطبيقي وعملي يلتزم المتدرب بألا تقل نسبة الحضور عن 85% من إجمالي الساعات التدريبية المعتمدة .
خامسآ : العدد المحدد للمتدربين بالمرحله ( 300 متدرب )

شروط الإلتحاق بالمشروع:
أولآ : أن يكون المتقدم حاصل على مؤهل جامعي من أحد الكليات أو المعاهد الحكومية أو الخاصة المصرية من دفعتي 2008 ، 2009 .
ثانيآ : أن يجتاز المتقدم الإختبار التأهيلي للقبول بالمشروع .

لمزيد من الإستفسارات:
كلية التجارة - جامعة القاهرة
مركز البحوث والدراسات التجارية
Hot Line : 010 7787086
www.next-eg.com

elkhouly

أختي .. هفترض انك هتدخلي اول كورس .. من محتوياته واضح ان مجال الاستفادة معظمه هيكون نوعا ما فني جدا ومتخصص في "برمجة برامج المحاسبة"( 57 % من الكورس) يعني زي مهندس برمجيات.. ده مجال يعتبر مستقل جدااا وله دراساته وشهاداته ومستقبله ..والباقي حاجات ممكن تكون مفيدة ليكي زي القسم التاني الخاصة باللغة .. بس بيعتمد عليكي انتي حابه تدرسي ايه .. تشتغلي ايه .. او تتخصصي في ايه .؟؟.. وبناء عليه اتخذي قرارك وحددي طبيعة الكورسات اللي مفروض تاخديها .. عموما اي شهادة او كورس تاخديه لا شك هيكون ميزة في السي في يتاعك .. بس الاسهل والافضل ليكي زي ماقلت .. حددي هدفك وشوفي مبدأيا انتي عايزه توصلي لايه و تشتغلي ايه .. محاسبة .. مراجعة .. بنوك .. برمجة ... ولا محاسبة بشكل عام ..... وبناء عليه حددي طبيعة الكورسات اللي تاخديها

smart@boy

سلامو عليكم ..

اولا كلمة شكر لحضرتك لسعة صدرك ..وافادتك لينا ...ليس لها اى قيمة ..

وربنا يجزيك كل خير ....


انا اولا طالب فى تجارة ..

كنت عاوز حضرتك ترشدنى لاية ...

يعنى هل ازاكر ..بس للكلية ...ولا ابدا اخد ..cma > ...يعنى ان شاء الله لما اتخرج ابقى خدتها ..

وكنت عاوز افهم من حضرتك ازاى ابدا فى تعلم الانجليزى ...واتقنة ...

عشان تكون دراسة cma سهلة ...


وشكرا جزيلا .لك ...

خليل مطران خليل

جزاك الله كل خير ووفقك فى حياتك المهنيه والعمليه واسعدك فى دنياك وادخالك فسيح الجنات(امين)
وبجد الموضوع انت تعبت فيه واحنا مقدرين كدا والموضوع يستحق اكتر من افضل موضوع ومبروك عليك وسام المنتدى وبجد انت تستحقه

خليل مطران خليل

كلامك جميل جدا بس انا عايز اعرف ايه هيه (cma,cfm)لزمتهم ايه الشهدات دى ارجو الافاده علشان انا دماغى طارت ويريت تقولى ازاى اذاكرacca وفين فروعها ومصروفاتها كام وامتحنتها ازاى ياريت تدلنى وجزاك الله كل خير