مشاركة: هااااام - لكل شاب بيدرس تجارة - لكل محاسب -لكل خريج - لاي شخص عنده استفسارات
بسم الله الرحمن الرحيم
قرأت جميع المشاركات الواردة مسبقا الا اننى وجدت مشاركات لم تعجبنى نهائيا كلها يأس واحباط وتدل على ان صاحبها حامل هم الدنيا كلها فمثلا من ضمن المشاركات اخ يقول الواحد خد كورسات كذا وكذا وصرفت ومفهمتش ورحت وجيت ولسه مشتغلتش وبلعن اليوم الى دخلت فيه الكلية دا انا خلاص زهقت .......ومثل هذا الكلام الذى لايرضى الله ولايريح النفس .اقول له وخدها منى تجارب مرت امام عينى لو فضلت كده مش هشتغل ولو بعد 100 سنة صدقنى ستسأل لماذا ؟؟؟ لانك جاعل الدنيا اكبر همك وانى ملكشى هدف الا الدنيا وعايز تكسبها باى شكل والدليل انك يئست وكرهت نفسك لمجرد انك اخدت دورات ومشتغلتش(بقول الكلام ده على اساس عارف الى بيكلم بالطريقة دية شخصيته ايه وبيفكر ازاى) وشوف خير خلق الله محمد(ص) بيقول ايه. يقول(ص) (من كانت الآخرة همه جعل الله غناه في قلبه ، وجمع له شمله ، وأتته الدنيا وهي راغمةو من كانت الدنيا همه جعل الله فقره بين عينيه ، وفرق عليه شمله ، ولم يأته من الدنيا إلا ما قدر له )صدقت يا سيدى يا رسول الله. شوف الجملة دى(
ومن كانت الدنيا همه جعل الله فقره بين عينيه)
تعرف انا عايز اقول ايه من الكلام اللى فات ده كله ليك وللبيفكرو زيك انه طول ما انت بتجرى ورا الدنيا وعايز تكسبها باى شكل هتبهدلك وهدوس فوقك وهتفقرك ومش هتكسب ابدا .اما لو خليت توكالك على الله وعملت اللى عليك زى ما بتقول وخدت الكورسات وكل اللى قولت عليه وقولت عملت اللى عليا والباقى على ربنا وزى ماتيجى تيجى المهم عملت اللى عليا وايا كانت النتيجة سيئة حلوة قولت الحمد الله(بشرط يكون الكلام ده من القلب وده فعلا اللى حاسس بيه مش كلام وخلاص يعنى بنية صادقة تماما) . ربنا ساعتها هيكرمك لانك زى ما بيقولوا مش ميت على الدنيا(يعنى مش كل همك الدنيا) لان الله سبحانه وتعالى لايحب اطلاقا من يجعل الدنيا كل همه. والله ما قولت هذا الكلام الا عندما اصابتنى الدهشة من هذا الشخص الذى يتحسر وتثقله الهموم لمجرد انه لم يجد شغل ونسى انه هناك ربا بيده كل شىء وهو على كل شىء قدير وان الله هو الذى اختار له هذه القسمة وان الله اراد ذلك له . طالما اننى لم اهمل ولم اقصر فى شىء اذن هذا ما اراده الله لى. فكيف اغضب من قسمة الله!!!.الخلاصة القول ان من يسعى ويجتهد ويتوكل على الله ويحمده ايا كانت النتيجة فبذلك يرضى ربه وتطمئن نفسه. وسيجد الدنيا اتية له راغمة كما قال الحبيب المصطفى عليه افضل السلام. واحب ان اقول اننى وجت مشاركات عظيمة كلها امل زى((نفسى اكون محاسب محترف))و((الحمد الله خلصت الكورس كذا وان شاء الله هبدأ فى ....)) الى اخر الكلام الطيب الجميل الذى وجدته فى كثير من المشاركات. واحب ان اشكر صاحب الموضوع الاخ الخولى فموضوعه اكثر من رائع وهو بجد انسان محترم حريص على افادة غيره جزاه الله كل الخير.
11-05-2010, 01:38 AM
تعليمات المشاركة
العرض الشجري