جميع اسئلة الانترفيو للمحاسبين - منتدى المحاسبين المصريين

10-26-2007, 03:04 AM

yakout45

مشارك مبتدئ

تاريخ التسجيل: Dec 2006

العمر: 43

المشاركات: 6

جميع اسئلة الانترفيو للمحاسبين

بسم الله الرحمن الرحيم
اخوانى فالله هذا الموضوع منقول للامانه العلمية اتمنى ان يفيد اخوانى المسلمين
ملحوظة ارجو اذا افادكم الموضوع الا تكتبو كلمات شكر ولكن اكتبو اى اسئلة تعرض لها كل منكم فى الانتر فويو سواء عرف اجابتها ام لم يعرفها وليكن الموضوع مرجع لكل باحث عن فرصة عمل جديدة وعسى الله يتقبل منا هذا العمل والله المستعان
فالنبدأ بتوفيق الله

- ايه الفرق بين الميزانية والمركز المالي ؟؟؟

طبعا سؤال سهل .. مش كده

المركز المالي : هو قائمة توضح أصول وخصوم المنشأة ... يعني حقوق والتزامات المنشأة ... يعني ايه اللي للمنشأة وايه اللي عليها ... في أي يوم في السنة .

يعني في أي يوم نجي نروح عاملين موقف للمنشأة عارفين ايه اللي ليها وايه اللي عليها ونحطه في صورة قائمة تبقى دي اسمها المركز المالي.

طب ايه هي الميزانية العمومية ؟

هي : مركز مالي .....
ايه مركز مالي ... يعني أصول وخصوم المنشأة ... حقوق والتزمات المنشأة

طب ايه الفرق ؟ الفرق ان الميزانية العمومية هي مركز مالي للمنشأة في نهاية السنة المالية. يعني في نهاية السنة المالية في آخر يوم في 31/12/2006 مثلا بنعرف حقوق والتزامات المنشأة فتبقى اسمها الميزانية العمومية

-----------------------------

2-ايه الفرق بين الميزانية والموازنة ؟؟؟

الميزانية العمومية : هي زي ما قلنا عبارة عن قائمة توضح أصول وخصوم المنشأة ... حقوق والتزمات المنشأة في نهاية السنة المالية وبتكون معها الحسابات الختامية ( حـ / المتاجرة وحـ/ الأرباح والخسائر ) اللي بيوضحوا نتيجة نشاط المنشأة من ربح أو خسارة عن الفترة المالية السابقة .

يعني ايه ؟؟! يعني ان الحسابات الختامية هي اللي بتوضح مصروفات السنة اللي فاتت الفعلية وايرادات السنة اللي فاتت الفعلية لكن الميزانية العمومية توضح حقوق والتزامات المنشأة في نهاية السنة .

طب ايه هي الموازنة ؟؟؟

الموازنة التقديرية : هي عبارة عن تقدير لايرادات ومصروفات المنشأة للسنة القادمة أو لعدة سنوات قادمة.

----------------------------------------

3- ايه الفرق بين المصروفات الايرادية والمصروفات الرأسمالية ؟؟؟

أولا نحب نعرف ايه هو المصروف :

هو عبارة عن نفقة ( يعني --> فلوس بادفعها ) في سبيل الحصول على ايراد.

يعني بادفع مثلا ايجار للمحل ... ليه ؟؟ علشان أبيع منه واحصل على الايراد.
بادفع مثلا أجور ومرتبات للعاملين ... ليه ؟؟ علشان ينتجوا واحصل على الايراد.

يبقى المصروف بادفعه في سبيل الحصول على الايراد.

المصروف الايرادية : هو مصروف يحقق الايراد في نفس السنة المالية .

المصروف الرأسمالي : هو مصروف يحقق الايراد في عدة فترات مالية ويؤدي إلى زيادة الطاقة الانتاجية للمنشأة .

يعني مثلا : مصروف الأجور والمرتبات بتدفع كل شهر عن عمل الموظفين عن الشهر يعني كل شهر بيأخدو مرتباتهم فيها بيدخلوا للمنشأة ايراد في نفس الشهر ..... يبقى مصروف الأجور والمرتبات مصروف ايرادي .

ومثلا : م الدعاية والإعلان ... الشركة مثلا عملت حملة اعلانية ضخمة استفادت بها المنشأة على كذا سنة .. يعني ساعدت على تحقيق الايرادات خلال عدة سنوات ... يبقى المصروف ده مصروف رأسمالي .

مثال تاني :-

مصروف الصيانة ... عملنا صيانة للآلات والمعدات للمنشأة علشان ترجع تنتج تاني يبقى المصروف ده مصروف إيرادي .

طب لوجينا عملنا صيانة للألات مش علشان ترجع تشتغل تاني بس ولكن تزيد طاقتها الانتاجية ... يعني بدل ما تنتج مثلا عشر وحدات خليناها تنتج 15 وحدة يعن زودنا كفائتها الانتاجية والزيادة دي مش هتكون في أول سنة بس ؟؟ لا طبعا ... في السنين المتتالية اللي بعديها . يبقى المصروف ده في هذه الحالة مصروف رأسمالي.
----------------------------------------

4- ما الفرق بين المخصص والاحتياطي ؟؟

أولا : نحب نقول لكم على حاجة الأول ...

أي منشأة صاحبها بيعملها علشان يكسب من ورائها أرباح يستفيد بيها .... وعلشان صاحب المنشأة أو الشركة مش يفضل يسحب فلوس من الشركة لحد ما تتعدى رأس ماله ... حددنا في المحاسب جزء أو ( حساب بمعنى المحاسبين ) هو ده بس اللي يسحب منه .... لأن بعد كده هيبدأ يستهلك رأسماله في الشركة .... وطبعا لو فضل على الحالة دي (( يعني يسحب من رأسماله )) هيفاجأ إن الشركة مش بتاعته بقت بتاعة الدائنين اللي عاوزين حقوقهم .... وبالتالي هيعلن افلاسه.

علشان كده قلنا لازم نخلي حساب خاص للأرباح هو بس اللي يتسحب منه الفلوس .

يعني ممكن نعرف الأرباح : على أنها الزيادة في حقوق الملكية لأصحاب المنشأة .
وأيضا ممكن نعرف الخسائر : على أنها النقص في حقوق الملكية لأصحاب المنشأ’ة.

نرجع لموضوعنا ... الفرق بين المخصص والاحتياطي

المخصص والاحتياطي ... الاثنين مبلغ يستقطع من الربح لمواجهة خسارة متوقعة .

واحنا طبعا عارفين مبدأ الحيطة والحذر : اللي هو إنه ينبغي على الشركة تحطاط لكل خسارة متوقعة وتحذر من كل إيراد غير محقق.

الفرق إن المخصص بيتم تكوينه في حالة تحقق ربح أو تحقق خسارة يعني جبري ( فرضته مبادئ ومعايير المحاسبة ).
لكن الاحتياطي لا يتم تكوينة إلا في حالة وجود أرباح فقط وبيكون اختياري على المنشأة ( إلا البنوك وشركات التأمين).

فرق تاني إن المخصص بيكون لمواجهةخسارة حقيقة أو متوقعة بنسبة كبيرة ( مثل مخصص الاهلاك ).
أما الاحتياطي بيكون لمواجهة خسارة متوقعة ولكن احتمال وقوعها ضئيل (مثل مخصص ارتفاع أسعار الأصول الثابتة ) يعني بيكون لتدعيم المركز المالي.
----------------------------------

5- ما هو الحساب الذي لا يظهر ضمن ميزان المراجعة ؟؟

الله ... يا سلام ... سؤال سهل جدا ....

أولا : لازم نعرف الحسابات اللي بتظهر في ميزان المراجعة بتظهر ليه ؟؟! لأن ميزان المرجعة محصلة وملخص لعمليات سابقة عليه هي مراحل نظام المحاسبة اللي هي :-

تجميع الأحداث المالي ---------> تسجيل الأحداث المالية في قيود يومية --------> تبويب الأحداث المالي في حـ/ الأستاذ ------------> تليخص اعمليات السابقة في ميزان المراجعة

طب ايه هو الحساب أو البند الذي لا يمر بكل هذه المراحل .... ؟؟؟

بضاعة آخر المدة .... لأنها تكون نتيجة جرد وليس نتيجة قيد يومية ، يعني بيتم جرد البضاعة وتقييمها ثم وضع قيمتها مرة دائن في حـ/ المتاجرة ومرة مدينة في الميزانية العمومية تحت بند الأصول المتداولة

10-26-2007, 04:25 AM

وليـد صلاح اللقاني

تاريخ التسجيل: Oct 2006

الدولة: Egypt-Cairo-Haram

المشاركات: 475

مشاركة: جميع اسئلة الانترفيو للمحاسبين

الزميل العزيز اسعد الله اوقاتك قرات ما كتبتة عن اسئلة الانتر فيو وبصرلحة ممتاز ولكن فى حاجة مهمة جدا الفرق بين الميزانية والمركز المالي ليس فرق التوقيت بمعنى كن نقضلت مشكورا سابقا انه المركز المالي يتم استخراجه فى اوقت من العام ولهذا هو اسمة مركزمالي والميزانية لتوقيت استخراجها اخر العام من اجل هذا اسمها ميزانية طبعا الكلام ده بنقصة الدقة لسبب واحد بين الميزانية والمركز المالى الميزانية تحتوى على حسابات اخرى لا تحويها المركز المالي وهو الاهلاك ... فالميزانية تحتوى على حسابات الاصلاك او مجمع الاهلاك بيتما المركز لا يحتوى على هذه الحسابات فهو بوضح نهاية حركة اومرايا او لقطة واذا احتوى على اهلاك اصبح ميزانية اتمتى ان اكون قمت بتكملو ما بداتة انت وتفضلت فيه

__________________

نحن نيـــسر لــك عملـــك ... ونؤثر فيـــــــه

صنـــــــاع الحيـــــــاه

Financial Manger

وليـد صلاح اللقاني

10-29-2007, 01:43 AM

rewish

مشارك نشط

تاريخ التسجيل: Sep 2006

العمر: 41

المشاركات: 92

مشاركة: جميع اسئلة الانترفيو للمحاسبين

لو سمحت لو انت مقتبس الموضوع من منتدي اخر اكتب هذا الموضوع مقتبس

منعا للاحراج

لانه هذا الموضوع من منتدي اخر بدون ذكر المنتدي الاخر

03-03-2010, 02:20 PM

sayed sholkamy

مشارك مبتدئ

تاريخ التسجيل: Feb 2010

المشاركات: 2

مشاركة: جميع اسئلة الانترفيو للمحاسبين

هايل جدا ممتاز استمر ربنا يوفقك

03-03-2010, 02:22 PM

sayed sholkamy

مشارك مبتدئ

تاريخ التسجيل: Feb 2010

المشاركات: 2

مشاركة: جميع اسئلة الانترفيو للمحاسبين

عايزين اسئلة كتير واجابتها لو تقدر لان دى اسئلة قديمة خلاص الناس حفظتها محاسبين وغير محاسبين هات جديد اسمعلك

03-03-2010, 03:27 PM

realman

مشارك فعال

تاريخ التسجيل: Jan 2010

المشاركات: 181

مشاركة: جميع اسئلة الانترفيو للمحاسبين

الموضوع مكرر

انا قرأته قبل كده هنا فى المنتدى

__________________

ما أعظم أن تكون غائبا حاضر عن أن تكون حاضرا غائب

ACC. Mohamed Yehia

03-03-2010, 04:14 PM

حسين السنبختى

مشارك نشط

تاريخ التسجيل: Feb 2010

المشاركات: 64

مشاركة: جميع اسئلة الانترفيو للمحاسبين

بالنسبه للانتر فيو لا يكتفي صاحب العمل بالمعلومات المحاسبيه فقط ولكن يركز ايضا علي حسن المظهر واللباقه في الحديث وسرعه البديهه ومهارات ادارة الحوار وحسن ادارة التسويق لمهارتي في العمل ولا ننسي عامل الخبرة مهم جدا

__________________
[fot1]
[frame="9 80"]حسين السنبختي[/frame]
[/fot1]

03-15-2010, 11:52 AM

hakary

مشارك مبتدئ

تاريخ التسجيل: Mar 2010

المشاركات: 1

مشاركة: جميع اسئلة الانترفيو للمحاسبين

سلام عليكم ....
انا طالبة سنة الرابعة محاسبة عم اعمل بحث تخرج عن القيمة العادلة وتأثيرها على الأزمة المالية ومافي مصادر وافية بين ايدي فارجو المساعدة

03-28-2010, 06:34 AM

أحمدشقير2010

مشارك مبتدئ

تاريخ التسجيل: Mar 2010

المشاركات: 15

مشاركة: جميع اسئلة الانترفيو للمحاسبين

كويس أرجو المذيد حتى لو كان مقتبس زى مابيقول الاخ روش المهم ان الاخوة يستفيدوا وجزاك الله خيرا

12-23-2010, 11:34 AM

#10

walid elmsry

مشارك فعال

تاريخ التسجيل: Nov 2007

العمر: 38

المشاركات: 112

مشاركة: جميع اسئلة الانترفيو للمحاسبين

جزاك الله خيرا

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى