waled mohamed

لا تيأس من روح الله دي اول حاجة
ثانيا دور وبامر الله هاتلاقي ووسائل البحث كتيرة عندك الوسيط وجرنال الاهرام الاسبوعى وعندك الانترنت وعندك اصحابك حاول توسع دائرة البحث عندك
ومن هنا لحين ماتشتغل اعمل حاجتين
اول اشتغل اي حاجة بحيث انك تركب الاتوبيس بتاع العمل بس واكيد فى وقت هاينزل راكب من الاتوبيس وانت هاتقعد مكانة يعنى ماتقفش فى مكانك واتحرك والحاجة التانية اتعلم
اتعلم
اتعلم
وبفكرك كرم ربنا كبير وهو اللى بيرزق وفى الاول والاخر قوى علاقتك مع ربنا سبحانه وتعالى وهخو اللى بيرزق بس صدقنى اللى بيتعب بيلاقي وعن تجربة

__________________

HASSAN EBRAHIM

شكرا جزيلا يا استاذ وليد علي الاهتمام

االمنشاوى توب

السلام عليكم ورحمة الله وبركاته

فى البدايه اخى الكريم لابد ان تحدد ماذا تريد ان تعمل فى مجال المحاسبه فى بداية حياتك وامامك احد الطرق

1) ان تعمل محاسب قانونى ... وبهذا تستطيع ان تفتح مكتب محاسبه باسمك وان تكون عضو بالجمعيه وان تقوم باعتماد ميزانية الشركات وحاجات تانيه كتير
وهذه ينصح به للاخوة المتوفر لهم الدخل المادى او لا يعيقهم لانك فى البدايه لو التحقت بمكتب محاسبه سيكون اقصى راتب على ما اظن 100 أو 150 ج والله اعلم
كما انك ستحتاج فترة 3 سنوات لتكون محاسب قانونى و 5 سنوات لتعتمد ميزانيه وان يقوم صاحب المكتب بتقييدك فى الجمعيه مقيد بالجمعيه دا غير المجهود والبحث عن المكتب الصادق فى رغبته فى تعليمك

2) ان تكون محاسبى عادى وتدرج فى المهنه حتى تصل الى مدير مالى فى سن الثلاثين او 35 ودا على حسب تطوير مهارتك فى المجال بالكورسات والشهادات المهنيه
وهذه تبدا اولا بتجهيز نفسك بكورس محاسبه الكترونيه واتقانها جيد جدا وفهم محاسبه ماليه كويس جدا
ويا حبذا لو كورس للباتش ترى او الكويك بوكس وهذان برنمجان تستخدمهما الشركات الكبرى فى القيد المحاسبى

3) تكون محاسبى او مدير مالى او مدقق حسابات وفى مكاتب مراجعه او شركات كبرى كمان بالاتى
اتقان اللغه الانجليزيه كويس جدا جدا < محادثه > طبعا
فهم المحاسبه الماليه كويس جدا
البدا فى دراسة الشهادة المحاسبيه المعروفه مثل { cma -acca }وغيرها من الشهادات حسب رغبتك فى التخصص المحاسبى
طبعا تكون فاهم اساسيات الاكسل المحاسبى والاكسس
وبرنامج الكويك أو الباتش


بعد اختيارك لاحد الطرق السابقه لتبدأ بها مشوارك المهنى لا بد ان تعلم

- انك لابد من مواجهة الكثير من التحديات وبذل الكثير من المجهود ليكرمك الله بما تريد
- ان تكون ملم بطرق البحث على الانترنت ومنديات المحاسبه وانت بدأت بالفعل فى منتدانا الرائع هذا
- ان تكون ملم بطرق البحث عن الشركات والمكاتب العمل وايضا مراكز التريب والدورلت الجيده والمعتمده
- معرفة كيف تسوق لسيرتك الذاتيه ودى طبعا انا بعتبرها اخر حاجه او تكون فى منتصف الطريق


والاهم والذى لن تستطيع ان تكون شىء بدونه هو اللجو الى الله ليعينك ويقوى ظهرك
وان تكسب رضى والديك فيدعوا لك
وان تسال اهل العلم

هذا ما اردت ان اشارك به وهذا ما تعلمته والله من الاخوه اعضاء المنتدى بارك الله فيهم وفى كل من يقدم علما او عملا ابتغاء مرضات الله

ارجو ان اكون قد افدتك ولم اطل عليك ولكن اعلم انت فى بداية الطريق الصحيح فستعن بالله ولا تعجز