مشاركة: قبل أخذ لقاح انفلونزا الخنازير
نص رد الدكتور / إبراهيم ماضى
على ناقل هذا الموضوع ، ، ،
نقلته لكم من أحد المنتديات
..........................
والله شوف
الموضوع ملوش علاقه بالطب
بس هو دايماً بيكون فيه ناس كده عندها نظرية المؤامره !!!!
طيب يعني الهدف من الحكايه دي ايه ؟
يقولك تقسيم العالم إلى سيد و عبيد !!!!
يعني بذمتك ده كلام ؟؟
الراجل ده باين عليه بيلعب age of empire كتير
وبعدين لمعلوماتك
التطعيم ده مش ح يوصل مصر قبل اخر 2010 وح افكرك
وغير كده
مش ح يوصل دول افريقيا أصلا
بصراحه
لم اتحقق علميا من الكلام المكتوب لأن مفيش مصطلحات علميه يمكن الرجوع إليها ، نظرا للترجمه
ولو النص الإنجليزي موجود ، ممكن يساعد أكتر
بس اقدر أقول
من اسلوب الكلام
ان ده حد مصاب بمرض الوسواس القهري
ومتخيل ان فيه مؤامره على 6 مليار بنى آدم
وهو لوحده اللي كشفها !!!!
طيب بذمتك
مش جايز يكون هو عامل مؤامره عشان محدش فينا ياخد اللقاح ونموت ؟؟؟
معروف ان عدد اللقاحات مش ح تكفي طبعا كل سكان العالم
وموضوع ان الفيرس متركب في معامل
ده شيء وارد جداً
وممكن يكون خروجه تم بطريقة الخطأ
بس كمان يكون علاجه ح يسبب تخلف وضعف .......... إلخ
اهى دى مبالغات جامده قوي
بالمناسبه
تطعيمات شلل الأطفال المستخدمه في مصر غير مستخدمه في امريكا ، وبيستخدموا حاجه افضل منها
لأنه ثبت ان جرعات التطعيم نفسها ممكن تجيب شلل اطفال لبعض الحالات
ورغم كده في مصر شغالين بيها الله ينور
وربك الستار
09-19-2009, 06:32 AM
تعليمات المشاركة
العرض الشجري