hazem.hassan

تم بيع مواسير مستعمله لشركه ورفضت الشركه دفع ضريبه المبيعات نظرا لان المواسير مستعمله ....والمحاسب بيقولى لا انت كده اللى هتشيل ضريبه المبيعات ....فانا عايز اعرف بالظبط ايه الصح وايه الغلط الرجاء الاهتمام والرد

nasser_5077

تخضع السلع المستعملة لضريبة ثلاثة فى المائة . يعنى لو قيمة المواسير 2000 تكون ضريبتها 60 جنيها فقط _ لان السلع المستعملة تخضع منها فقط 30فى المائة من قيمتها لضريبة المبيعات بسعر 10 فى المائة _ ليصبح فى النهاية اجمالى الضريبة على كامل القيمة هى ثلاثة فى المائة فقط كما موضح بالمثال _ واذا لم تحصل الضريبة فيجبعليك ان تسددها لمصلحة الضرائب وان لم تحصلها فيصبح من حق المصلحة ان تطالبك بدفع 60 جنية وهى ضريبة مبيعات المواسير المستعملة كما فى المثال حتى وان لم تكن قد حصلتها . وارجوا من السادة المشرفين تصحيح كلامى ان كان به خطأ

hazem.hassan

اشكرك بشده وياريت لو تجبلى حاجه او مستند يثبت هذا الكلام اكون شاكر جدا والحمد لله انها مش 10 % اهو قضى اخف من قضى

shmosh

شركة اجهزة كهربائية يتم شراء الاجهزة بسعر المصنع (وكيل بالعمولة)
وفى حالة تحقيق رقم مسحوبات محدد اخد ربيت (عمولة) عن طريق عقد مشترك
ممكن انى ابيع الى مستهلك نهائى
او
يكون عقد بين المصنع والوكيل المعتمد اللى هو انا و موزع
و فى تحقيق الموزع شريحة مسحوبات محددة ياخد ربيت (عمولة)
يعنى لا توجد قيمة مضافة

موقف ضريبة المبيعات
وضريبة الخصم والاضافة
وشكرا

ahmedalsyed72

السلام عليكم ورحمة الله وبركاته
الزميل الفاضل اذا كنت متعاقد مع المنتج على ان تلتزم بالبيع بسعر الشراء للمستهلك النهائى بشرط توافر عدة شروط اذكر اهمها
وجود عقد ينص فيه ان المنتج حصل منك الضريبه حتى سعر المستهلك وذلك يتضح من فاتورة شراء
اما اذا كانت الضريبه المسدده منك على فاتورة النتج هى عن سعر المصنع وانت تبيع للمستهلك النهائى فهناك قيمه مضافه تخضع لضريبة المبيعات وعليك انت تقرر
وبالنسبه للعموله فالعمولتين اللتين يخضعان للضريبه هما عملة بيع السيارات وعمولة بيع العقارات فقط طبقا لأحكام القانون 11 لسنة 91
شكرا
احمد السيد

__________________
[glow=#ff0000]

[glow=#0088ff][glow=#ccff00][glow=#fff200]احمد السيد[/glow][/glow][/glow]
[/glow]

hossam soliman

سلام عليكم
تم سداد فواتير تليفون الشركة من حساب ابن صاحب الشركة او المحاسب والفواتير عليها ضريبة مضافة
هل تسجل فى الاقرار الضريبي ام لا والسؤال الثانى ما هو القيد المحاسبي لاثبات سداد هذه الفواتير وشكرا

ahmedalsyed72

السلام عليكم ورحمة الله وبركاته
الاستاذ الفاضل كلامك ليس خطأ ولكنه لا يخص هذا السؤال السلع المستعمله التى يتم اخضاع 30% من قيمتها للضريبه تخص السلع الرأسماليه مثل الآلات والسيارات ..... والتى كانت مضافه على الأصول وتم استبعادها وليست النشاط الرئيسى الخاص بالشركه بمعنى ان الشركه لاتنتج مواسير ولاتقوم بالتجاره فيها وانما هى اصول فأذا كانت اصول وتم بيعها تخضع لهذه التعليمات اما اذا كانت غير ذلك فتخضع لفئة 10%
وشكرا
احمد السيد

__________________
[glow=#ff0000]

[glow=#0088ff][glow=#ccff00][glow=#fff200]احمد السيد[/glow][/glow][/glow]
[/glow]

tamer nashaat

صباح الخير
انا مسئول عن حسابات شركة تسويق عقارى و مقاولات و كنت عاوز استفسر بالضبط عن المعامله الضريبيه لنشاط الشركه ..أحنا لسه ماصدرناش اى فواتير و لسه يعتبر مفيش شغل بس كنت عاوز ابدأ على اساس صح طبعا ..احنا داخلنا عمولة تسويق عقارى طرف شركة كبيره معلوماتى اننا هنخضع لضريبة 14 % عادى جدا .. فهل الكلام ده صح ؟
و عندنا كمان عقد توريد و تركيب سنترال خاص بكومبوند مع حفر و مد الكابلات الخاصه به و مد المواسير و ما يتطلبه فهل ده هيخضع لضريبة الجدول 5 % على اساس توريد و تركيب أم 14% ؟
و هل قيمة الضريبه هتتحدد بناء على الفاتورة الى هنصدرها عادى ام لازم وجود مستخلص من استشارى ؟
اسف على الأطاله بس فعلا محتاج الرد فى اقرب وقت و شكرا ليكم جدا على تعاونكم

gbgeorge

عندى فحص ضريبه قيمه مضافه حاليا و المأمور عايز يدفعنى ضريبه على فوائد القروض ايلى واخدينها من الشركه الشقيقه مع العلم ان الماده 3 من الائحه التنفيذيه اعتبرن ان خدمه الاقتراض من الشركات الشقيقه لا تعتبر من قبيل الخدمات الخاضعه للضريبه؟
فهل المأمور كده صح ؟