انا دفعة2008
فى عرض محاسب فى شركة مقاولات فى الرياض
المرتب 1500 ريال لمدة عامين
العقد يشمل المواصلات والاقامه والتامين
وكمان فى نقطه مهمه :
مكتب السفريات طالب منى 6500 جينه
ارجو سرعة الرد
ولكم جزيل الشكر
مشاركة: ارجو المساعده فى امر بالغ مش عارف اعمل ليه
انا أعمل محاسب بالرياض ياخى بمنتهى الحيادية هذا العرض ضعيف جدا من الناحية المادية ولكن تقول انك خريج 2008 يعنى ليس عندك خبرة كافية للعمل كمحاسب أذا كنت عايز تتعلم المحاسبة الصحيحة وتكون قوى على الاقل لازم تشتغل على الاقل سنتين او ثلاث سنوات هنا فى مصر لان المحاسبة هنا قوية جدااااااا عن الخليج ولا تتعجل الفرصة سياتيك افضل منها ان شاء الله وأرجو لك التوفيق
اخي الفاضل انا اعمل بالسعوديه منذ 6 سنوات ، وانصحك وانصح كل واحد مقبل علي السفر الي السعوديه بعدم السفر وفقا لهذا العرض لان واقع المعيشه هنا مرتفع والسعوديين خاصه بتحكموا والمكاتب في مصر بتبيع وتشتري فينا مع العلم بان الفيزا لا تكلف سوا 2000 ريال رسوم حكوميه ( اي 2900 جنيه فقط)والمفروض ان كل حاجه تكون علي الكفيل طالما انت شغال معاة بالراتب بس في اغلب الاحيان بتيجي وتلاقي ان الاقامه والتامين عليك والكلام بيتغير وخلي بالك رسوم التامين الصحي 1300 ريال في السنه والاقامه 850 ريال ومواعيد العمل تصل الي 12 ساعه من 8-2.30 ظهرا ومن 5-10 مساء فخلي بالك لازم الغربه يكون لها ثمن في ظل ظروف معيشيه صعبه جدا الان ، ولو كل واحد رفض نعمل لنفسنا كرامه شويه والمكاتب تخلي عندها دم والمفروض لا يقل راتب المحاسب عن 2000 ريال والكل المفروض يتمسك بكدة ومتطلعش علي فيزا اخري غير مهنه محاسب عشان بعد كدة تقدر تعمل استقدام او زيارة ولو ضحك عليك واقلك علشان السعودة كلام فاضي عشان معدوش بيدقوا اوي زي الاول وخلي بالك تغير المهنه بيكلف 2000 ريال و مكن يدوخوك وميغيروش المهنه وربنا يوفقك ويوفق الجميع
أان برضه خريج دفعة 2008 وجالى عرضين لحد دلوقتى للعمل فى سعودية و بنفس الرقم 1500 ريال وبعد مااخذت بنصيحت معارقى واصدقائى رفضة العرض نصيحة ليك انتا لو جالك عرض ف مصر ب1000 جنيه هيبقا افضلك من 1500 ريال فى سعودية من الاخر العرض ضعيف جدددددددددددددددا وكمان هتدفع عليه 6500 دا مكتب سفريات حرامية وحسبى الله ونعم الوكيل فيهم
دا عرض سئ جدا لان مستوى المعيشيه هناك مرتفع جدا يعنى الاكل والشرب والموصلات يادوب بالميت لواحد عازب 1000 ريال يعنى انت جاى تموت نفسك وبعدين ياجماعه لو 500 جنيه فى مصر يبقى افضل مليون مرة من العرض ده لان المكاتب بتتفق معاك على شى والواقع شى اخر انا بنصح اى شخص حتى لو متخرج امبارح اقل من 3000 ريال ميبهدلش نفسو ويروح يتغرب لان هناك هتشتغل ليل بنهار وعمل متعب والبلد نفسها متعبه وصدقونى كده بالعرض ده يبقى الغربه متستهالش اى حد يحب يسافر لازم ياخد عرض محترم ع الاقل 2000 ريال وعليهم السكن وبدل الموصلات والتامين والتذاكر لانهم اصلا بيبخسوا حقوق بعض يبقى هيديك ايه هيقولك 1500 ويديك 1000 وخالى بالكم محاسب مقاولات يعنى قمة البهدله ينزل الموقع ويتابع العمال ويشيلوه الشغل كله فكروا كويس جداااااااااا