مساعده صغيره بخصوص دراسة الماجستير
السلام عليكم اخواتى واخواتى الاعضاء الكرام
انا معايا بكالوريوس وتجارة جامعة كفرالشيخ 2005 وتمهيدى ماجستير محاسبة 2009 من تجارة المنوفية شبين الكوم وحاليا شغال مدرس كمبيوتر
المهم انا حاليا بحضر لرسالة الماجستير فى كلية التجارة بشبين الكوم
الدكتور المشرف الرئيسى عطانى موضوع عن بازل3 وانا حاليا بعمل خطة بحث له
المهم انا كان نفسى بعد ماخلصت البكالوريوس على طول انى اكمل دراسات عليا فى كفرالشيخ
بس للاسف كل لما اروح اسأل هناك يقولولى لسه اسأل السنه الجايه وهكذا
لغاية ماروحت سجلت واخدت تمهيدى من شبين الكوم رغم طول المسافة تقريبا 3 ساعات والله
المهم الاسبوع الجاى هايبدأ التقديم للدراسات العليا عندنا فى تجارة كفرالشيخ
بصراحه جامعة كفرالشيخ تعتبر من ارقى الجامعات والله فى مصر من حيث الامكانيات
بجد مبانى وتجهيزات على اعلى مستوى المهم كمان تعبر والله من اسهل الجامعات
انا كان نفسى من زمان اسجل هناك على امل انهم يشغلونا دكاتره فى الكليه بعد مانخلص الماجستير
خصوصا انها هاتبقى اول سنه اول دفعة ماجستير عندهم
بالله عليكم انصحونى اعمل ايه هاتجنن من التفكير
بصراجه مش عارف ليه حاسس انى لو اعدت فى شبين عشرين سنه والله مش هاخد ماجستير
مش بتكلم من ناحية الصعوبة بالعكس الدكتور المشرف الرئيسى بتاعى والمشرف الفرعى معاه
بصراحه عملاقه والله فى المحاسبة كفاية انه واحد منهم لسه كان من ضمن اشراف على رسالة دكتوره فى هولندا بس المشكله حاسس انى مش متكيف او مش متأقلم على الوضع هناك
والله الدكتور عطانى الموضوع علشان اعمله خطة بحث بالظبط فى أخر شهر عشره سنه 2010
يعنى علشان اعمل خطة بحث بس اكتر من سنه
اكيد جانب من التأخير ده انا السبب فيه
بس الواحد والله حاسس باحباط او انى مش قادر اقنع المشرف بيا جايز الله اعلم
مش عارف والله اعمل ايه انا حاليا خلصت خطة البحث بتاعتى بس ناقصها بند واحد فقط
اسمه الدراسات السابقة وانا بصراحه مش عارف اعمله
ارجوكم نفسى حد ينصحنى بجد انا هايجيلى احباط والله
مع ان الموجه بتاع الكمبيوتر بتاعى وعدنى انى اول مااخلص الماجستير هايشغلنى فى التوجيه
وده حافز كويس انى اخلص
بس بجد حاسس انى مش هاعرف اخد الماجستير غير من كفرالشيخ
الواحد متأقلم على الوضع هناك بصراحه
والله انا روحت هناك فى شهر 2 اللى فات لدكتور علشان يساعدنى فى موضوع الرسالة بتاعتى
كان دكتور اقتصاد طلع معندوش خلفية عن الموضوع بس من ذوقه واخلاقه بعتنى على دكتور زميل له
عطانى شويه مراجع وورق عن الموضوع من غير مايعرفنى ولا اعرفه
بس المشكله اللى مخليانى متردد انى اسجل فى كفرالشيخ حاجه واحده بس
ان التمهيدى للماجستير عندهم سنتين وفى شبين سنه
يعنى لازم اخد سنه مقاصة يعنى ادرس المواد اللى مش درستها فى شبين
وانا خايف حد تانى يعمل موضوع البحث والرسالة بتاعتى وربنا عالم انا تعبت فى الموضوع ده اد ايه
وصرفت عليه كتير والله
مش عارف بقى ايه الحل ارجوكم لو حد يقولى اعمل ايه
ياريت اى حد يدخل يقولى رايه حتى لو مش عنده خلفية مجرد الرأى فقط
انا هاروح كفرالشيخ الاسبوع الجاى هاعرض عليهم انى اخد سنة المقاصة ديه بس فى اثناء وانا شغال برضه فى الرسالة عادى ويارب يوافقوا مع انه صعب
بجد اسف انى طولت عليكم
12-25-2011, 08:34 PM
تعليمات المشاركة
العرض العادي
