بمناسبة قرب حلول الشهر الكريم .. اليكم .. في رمضان
بمناسبة قرب حلول الشهر الكريم .. اليكم .. في رمضان
-في رمضان الناس قلوبها تصفى وتقرب من ربنا
-في رمضان الطاعة تحلى ويزيد الخير والهنا
-في رمضان الدنيا تفرح وتضحك لينا كلنا
-في رمضان هلال بيطلع وبنوره ينورلنا
-في رمضان مدفع بيضرب تجري الصغار تقولنا
-في رمضان اللمة تكتر ولا تفرق احنا عند مين ولا مين عندنا
-في رمضان تملى الشوارع الزينة، وفانوس رمضان ده حاجة تخصنا
-في رمضان الرزق ينزل والخير يتقدرلنا
-في رمضان البركة ترجع ووشوش الناس تنور وتبتسملنا
-في رمضان يبعد ابليس ويتسلسل ولا يقدر يوسولنا
-في رمضان الجنة تنادي، مشتاقة ليك وحشتنا
-في رمضان النار تقفل بيبانها وتقولك، خليك كويس احسنلك واحسنلنا
-في رمضان ينسى المريض الجرح، ويملا عينيه الفرح وبالصحة يصبحلنا
-في رمضان يقرب الاحباب ، ويتجمع الاصحاب في طاعة ربنا
-في رمضان ينصف ربك المظلوم وتنسى الناس الهموم، والراحة ترجعلنا
-في رمضان تبقى مثالي وتصالح ابوك وامك واصالح عمي وخالي، ماهو رضاهم يهمنا
-في رمضان يملى البشر المساجد، ما بين راجع وساجد املنا ربنا ينظرلنا
-في رمضان ربك رحيم يرحم ناس ويسامح ناس ماهو بيحبنا
-في رمضان كل ليلة يعتق ربنا عباده، ولو عتقنا ما في نار تمسنا
-في رمضان ما نتمنى الفجر يطلع ولا يعدي اليوم، ولا يفوت مننا
-في رمضان لو مرت لحظة ندعي نقول، يارب بالخير اختملنا
-وبعد رمضان.. و اه على بعد رمضان؛ نبكي ونطلب من ربنا يسامحا ويغفرلنا
-ندعي ونقول يارب نكون اخلصنا ، يارب اتقبل مننا
__________________
التعديل الأخير تم بواسطة ساره ابراهيم ; 06-17-2012 الساعة 01:19 AM
06-17-2012, 01:16 AM
تعليمات المشاركة
العرض الشجري