مشاركة: اضخم عمل محاسبى على الفيس بوك بصورته الجديدة 2014
جزاك الله كل خير... وانا ليا طلب مساعدة عند حضرتك.. انا خريج تجارة شعبة محاسبة جامعة القاهرة دفعة 2012 بس مشتغلتش فى مجال المحاسبة و كان شغلى فى التسويق فى الاجهزة الكهربائية تحديداً بس سبت المجال ده و حبيت اشتغل فى المحاسبة لقيت انه غير اللى احنا درسناه خالص وانه عالم واسع بدون نهاية...
قررت انى ابدء اخد كورسات و بدأت اخد كورس ifa من 3 اسابيع بس برده اللى الواحد بياخده فى الكورس يعتبر مختصر المختصر و الاهتمام كله بالمحاسبة الالكرونية فقط مش بأساسيات المحاسبة..
عشان كده عاوز اعرف و استفيد من حد ذو خبرة ابدأ منين المشوار ده و فين الاماكن اللى الواحد ممكن ينزل يشتغل فيها كمحاسب نحت التمرين لان للاسف كل الاماكن اللى بروحها بتطلب خبرة و ايه هى الكورسات اللى ابدأ بيها و الاماكن اللى اخدها فيها لان فى مراكو تدريب همها كله على الفلوس و بس مش المادة العلمية و انه يوصل المعلومة للمتدرب ... انا تقريبا نزلت كل الكتب اللى حضرتك منزلها فى الموضوع ده بس حاسس انى تايه و مش فاهم اى حاجة و محتاج مساعدة بجد..
اسف على الاطالة و شكرا على مجهودك الجبار...