Ahmedmandooo

أخى انا ايضا خريج جامعة المنوفية كلية التجارة شعبة محاسبة عربى
وأحب اقولك بعض النصائح :
1- حاول جاهدا أن تستزيد من كورسات الكمبيوتر على قدر الأمكان وخصوصا لغات البرمجة وقواعد البيانات لانها الطريق لشغل المحاسبة وغيرها من نظم المعلومات وكمان تحاول تاخد كورسات فى ال أكسيل والأكسيس وكمان لو تأخد فيجوال بيسيك هاتنفعك فى عمل برامج محاسبية وغيرها ده لو حبيت تتميز .
2- حاول تحصل على تدريب فى فترات الأجازات سواء فى مكتب محاسبة أو شركة عشان تعرف الجو العملى الصح وتطبق اللى بتدرسة هتنفعك أوى التدريبات دى وتأهلك للشغل .
3-كويس ان انت بتدخل منتدى زى منتدانا ده وتعرف أراء الناس اللى شغالين والمتخصصين فى المحاسبة وغيرها من نظم المعلومات هتنفعك أوى الحاجات دى زى ما نفعت ناس كتير ومنهم أنا وياريت تبحث فى النت عن مواضيع تخص المحاسبة وغيرها من العلوم التجارية
4- حاول تعرف شوية عن شهادة ال Cma لحين ما تتخرج وتحاول تدرسها لانها طبعا هاتنقلك نقله تانية ان شاء الله . والكتب عندى ان حصلت عليها من على النت لو تحب أبقى اديلك لينك ليها ابقى قولى.


أخيرا ربنا يوفقك

أسامه خطاب

أنا كمان خريج تجارة المنوفية بس أيامنا ماكانشي فيه قسم الانجليزي
ممتاز جدا جدا أنك من دلوقتى مشغول بهذه القضية و أحب أن أسجل اعجابي بك وعلى تفكيرك الصحيح
ونصائحي لك هي :-
أولاً الجوانب الشخصية :-
إهتم باللغة الإنجليزية جدا جدا - ليس من أجل الدراسة فقط ولكن محادثة وكل شئ
عليك أن تكون واسع الإطلاع في كل أمور الحياة - سياسية واقتصادية واجتماعية لان حسب خبرتي المحاسب الناجح أو بمعنى أصح الانسان الناجح لايكون مهنياً فقط ولكن لابد ان يكون متحدثا جيدا ولبقا وملم بأغلب الموضوعات في الحياة ولو بجزء قليل ( يعنى عنده فكرة عن كل حاجة بقدر المستطاع )
تعلم فنون الحوارات وطرق الاقناع وتعلم أيضا الاحتفاظ بالأسرار وأن تكون كتوماً جداً لأن هذه المهنه كلها أسرار ( بيانات مكان عملك وتفاصيله )
ثانياً مهنياً :-
اهتم جدا بالمحاسبة المالية - إشربها - احفظها - عيشها كويس أوي - لأنها الأساس
تعلم برنامج الإكسيل بإحتراف لأنه سيجعلك متميزاً
إلتحق بأحد مكاتب المحاسبين القانونيين - لأنه سيضعك على الطريق المهني الصحيح ويجعلك تعلم ما لا تعلمه لك الدراسة النظرية , فالجانب العملي ملئ بأشياء كثيرة
ودعائي لك بالتوفيق والنجاح

__________________
--------------------------------------------------------------------------------------
مع خالص تحياتي أخوكم محاسب / أسامه خطاب

gamalin

اخي انا مش خريج المنوفية وتحياتي للجميع
لكن انا اؤيد كل ما سبق وقالوه الاخوة سابقا واحب ان اضيف
ان تحب المحاسبة وتحاول تفهم لكي تتمكن من تطويع المعلومات وفقا للمواقف والمستندات الفهم قبل الحفظ وتداوم على الانشغال بهذا الا مر وبمتابعة المنتديات الهادفة مثل هذا المنتدى جزى الله القائمين عليه خيرا وتطالع الجديد في المعايير والقوانين
والباقي على الله " ان الله لا يضيع اجر من احسن عملا "

Acountancy

الف الف الف شكر الى اخوانى الاساتذة الكبار على الرد وانا ان شاء الله هحاول اطبق نصيحكم

لانها نصايح غالية اوى من اعضاء غالين على قلبى

وانا سعيد بالتعرف عليكم

يا احلى منتدى محاسبة فى الدنيا

Acountancy

4- حاول تعرف شوية عن شهادة ال Cma لحين ما تتخرج وتحاول تدرسها لانها طبعا هاتنقلك نقله تانية ان شاء الله . والكتب عندى ان حصلت عليها من على النت لو تحب أبقى اديلك لينك ليها ابقى قولى.

ان شاء الله اريدك ان تعرفنى ما هذة الشهادة

كلمنى عليها اكتر لانى معرفش عنها حاجة

وياريت نبعت لى الكورسات بتعتها

ولك جزيل الشكر

Ahmedmandooo

ان شاء الله هابعتلك الكتب بتاعتها